گامالەيا ورتالىعىنىڭ باسشىسى الەكساندر گينسبۋرگ كوروناۆيرۋستان قورعانۋ ءۇشىن جەتكىلىكتى انتيدەنەلەردىڭ مولشەرىن اتادى.
ماسكەۋ دەنساۋلىق ساقتاۋ باسقارماسىمەن بىرلەسە جۇرگىزىلگەن زەرتتەۋ ناتيجەلەرى تۋرالى ول «يزۆەستيا» گازەتىنە بەرگەن سۇحباتىندا ايتتى، دەپ حابارلايدى Almaty-akshamy.kz Lenta.ru سايتىنا سىلتەمە جاساپ.
عالىمنىڭ ايتۋىنشا، دەلتا شتاممىنان تولىق قورعانۋ ءۇشىن حالىقارالىق بىرلىكتەگى 300 انتيدەنە قاجەت. ەگەر كورسەتكىش بۇل شامادان تومەن بولسا، وندا Sputnik Light ارقىلى ۆاكسيناسيالاۋ قاجەت. وسىدان كەيىن انتيدەنەلەردىڭ دەڭگەيى 350-400 بىرلىك ايماعىندا بولسا، وندا سىزگە «Sputnik V» ەكىنشى كومپونەنتىن ەگۋگە بولادى. گينسبۋرگ 500 جانە ودان جوعارى انتيدەنەلەر كورسەتكىشى COVID-19 ينفەكسياسىنان قورعانۋ ءۇشىن جەتكىلىكتى دەيدى.
ماماننىڭ تۇسىندىرۋىنشە، حالىقارالىق بىرلىكتەر دەگەن جاقىندا دۇنيەجۇزىلىك دەنساۋلىق ساقتاۋ ۇيىمى (ددسۇ) ەنگىزگەن انتيدەنەلەردى ولشەۋدىڭ جاڭا ستاندارتىن بىلدىرەدى. بۇعان دەيىن انتيدەنەلەردىڭ مولشەرىن انىقتايتىن ءار ءتۇرلى بىرلىكتە ولشەيتىن ءتۇرلى تەستتەر بولعان.
«ەندى ءبىز انتيدەنەنى بۇرىنعىداي تيترلار بويىنشا دا، پوزيتيۆتىلىك كوەففيسيەنتى بويىنشا دا ەمەس، حالىقارالىق بىرلىكتەر بويىنشا سالىستىرۋىمىز كەرەك»، - دەپ ءتۇسىندىردى ول.