تەحنيكالىق كومەك كورسەتۋ 2 جىلعا ەسەپتەلگەن.
اۋىل شارۋاشىلىعى ءمينيسترى ەربول قاراشوكەيەۆتىڭ اقش استاناسى ۆاشينگتوندا وتكەن دۇنيەجۇزىلىك بانك باسشىلىعىمەن كەزدەسۋ قورىتىندىسى بويىنشا تاراپتار دۇنيەجۇزىلىك بانكتىڭ اۋىل شارۋاشىلىعىن دامىتۋعا قولداۋ كورسەتۋ باعدارلاماسى (تەحنيكالىق كومەك) بويىنشا ىنتىماقتاستىق تۋرالى ۋاعدالاستى، دەپ حابارلايدى Almaty-akshamy.kz ق ر اۋىل شارۋاشىلىعى مينيسترلىگىنىڭ باسپا ءسوز قىزمەتىنە سىلتەمە جاساپ.
دۇنيەجۇزىلىك بانك مۇددەلى ەلدەرگە ولاردىڭ اعىمداعى ساياساتىن قايتا قاراۋ جانە قايتا باعدارلاۋ جانە اۋىل شارۋاشىلىعىن قولداۋ تۇرعىسىندا جۇزەگە اسىرىلاتىن جانە ناقتى نۇسقالاردى باعالاۋعا قولداۋ كورسەتۋ ءۇشىن تەحنيكالىق كومەك باعدارلاماسىن قۇردى.
باعدارلاما ءقازىردىڭ وزىندە 13 ەلمەن اناليتيكالىق جۇمىستا قولداۋ كورسەتۋ جانە رەفورمالاردىڭ تەحنيكالىق، ەكونوميكالىق جانە الەۋمەتتىك تۇرعىدان جۇزەگە اسىرىلاتىن نۇسقالارىن ۇسىنۋ ءۇشىن ىنتىماقتاستىق ورناتتى. اۋىل شارۋاشىلىعى ساياساتىن قايتا قۇرۋ بويىنشا كومەك اياسىندا بانك تۇراقتى اۋىل شارۋاشىلىعىنا كوشۋ بويىنشا كۇش-جىگەردى جۇمىلدىرۋ ماقساتىندا جاھاندىق حاباردارلىقتى ارتتىرۋ جانە كونسەنسۋس قالىپتاستىرۋ ءۇشىن جوعارى دەڭگەيدەگى ساياسي دوڭگەلەك ۇستەلدەر ۇيىمداستىرادى.
اۋىل شارۋاشىلىعى ءمينيسترى ەربول قاراشوكەيەۆ دۇنيەجۇزىلىك بانك باسشىلىعىمەن كەزدەسۋدە 2021-2025 جىلدارعا ارنالعان اوك دامىتۋدىڭ ۇلتتىق جوباسىنىڭ باسىمدىقتارى نەگىزىندە اۋىل شارۋاشىلىعىنىڭ وسۋىنە، قورشاعان ورتاعا اسەردى بارىنشا ازايتۋعا جانە ازىق-تۇلىك قاۋىپسىزدىگى مەن تاماقتانۋ سالاسىندا نەعۇرلىم جوعارى ناتيجەلەرگە قول جەتكىزۋگە باعدارلانعان ورنىقتى اگرارلىق ازىق-تۇلىك جۇيەسىن قۇرۋدى قولداۋعا باعىتتالعان گرانتتىق قاراجات ەسەبىنەن قازاقستانعا 2 جىلعا ەسەپتەلگەن تەحنيكالىق كومەك كورسەتۋ ماسەلەلەرىن تالقىلادى.
تەحنيكالىق كومەك شەڭبەرىندە حالىقارالىق ساراپشىلار ق ر اۋىل شارۋاشىلىعى مينيسترلىگىمەن بىرلەسىپ، وسى سالاداعى حالىقارالىق تاجىريبەنى ەسكەرە وتىرىپ، سۋبسيديالاۋ جۇيەسىنە تەرەڭ تالداۋ جۇرگىزەدى، مەملەكەتتىك قولداۋدىڭ ءتيىمدى شارالارى ۇسىنىلادى، قارجىلىق قولداۋ كورسەتۋگە جاردەم كورسەتىلەدى.
سونداي-اق، كليماتتىڭ وزگەرۋىن، قازاقستاننىڭ كەيبىر بولىگىنىڭ قۋاڭشىلىققا ۇشىراۋىن نازارعا الا وتىرىپ، دۇنيەجۇزىلىك بانك ونىڭ اۋىل شارۋاشىلىعىنا اسەرىن ازايتۋ، باسقارۋ جانە سالدارىن جۇمسارتۋ بويىنشا ءتيىمدى ستراتەگيا ازىرلەۋ جونىندە ءبىرقاتار ۇسىنىمدار ازىرلەدى.
قازاقستاندىق تاراپتىڭ سەندىرۋى بويىنشا، بۇل ۇسىنىمداردى بارلىق مۇددەلى ورگانداردىڭ تاراپىنان مۇقيات زەردەلەنەتىن بولادى.
تاراپتار تەحنيكالىق كومەك شەڭبەرىندە وڭ ناتيجەلەرگە قول جەتكىزۋگە بەيىلدىلىگىن راستادى، سونداي-اق بايلانىستاردىڭ جوعارى ديناميكاسىن قولداۋعا كەلىستى.