ينفەكسياعا شالدىققان مەملەكەتتەر ءتىزىمىن اقش، ينديا جانە برازيليا باستاپ وتىر.
COVID-19 شالدىققاندار سانى كوبەيىپ جاتىر. بۇل دەرتكە شالدىققاندار سانى الەم بويىنشا 200460325 ادامدى قۇرايدى، كوز جۇمعاندار سانى 4263352 جەتكەن، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-عا سىلتەمە جاساپ.
يران
يراندا COVID-19 جۇقتىرۋ جاعدايلارىنىڭ تاۋلىكتىك ءوسۋى بويىنشا انتيرەكورد تىركەلدى - ىندەتكە شالدىعۋدىڭ 39 019 دەرەگى جانە 378 كوز جۇمۋ جاعدايلارى انىقتالدى. كوروناۆيرۋسپەن اۋىرعانداردىڭ جالپى سانى 3 979 727 ادامدى قۇرايدى. ال كوز جۇمۋ جاعدايلارىنىڭ سانى 91 785-كە جەتتى، - دەپ حابارلايدى يراننىڭ دەنساۋلىق ساقتاۋ جانە مەديسينالىق ءبىلىم مينيسترلىگى. مەديسينالىق بيلىك ەلدە “دەلتا” شتامىنىڭ تارالۋى اياسىندا تاعى دا شەكتەۋلەر قويدى. 3 تامىزداعى جاعداي بويىنشا، 10 741 956 ادام كوروناۆيرۋسقا قارسى ۆاكسينانىڭ ءبىرىنشى دوزاسىن الدى، ال 2 844 250 ادام تولىق ەگىلدى.
فرانسيا
فرانسيادا جەرورتا تەڭىزىنىڭ كورسيكا ارالىندا توتەنشە جاعداي رەجيمى ەنگىزىلۋى مۇمكىن. وتكەن دەمالىس كۇندەرى بۇل جەرگە 130 000-نان استام دەمالۋشى كەلدى. ارالدىڭ ەكى نەگىزگى قالالارىنىڭ ءبىرى - باستياداعى اۋرۋحانالاردىڭ تولۋى 79%-دان استى. ۇكىمەت تاعى دا اۋرۋحانا قىزمەتكەرلەرىنە قوسىمشا جۇمىسى ءۇشىن ۇستەمە اقى، سونداي-اق اۋىر جۇمىس سالدارىنان الا المايتىن اقىلى ەڭبەك دەمالىسى ءۇشىن وتەماقى ەنگىزەتىنىن مالىمدەدى. ينفەكسيا تارالۋىنىڭ وسۋىنە بايلانىستى ەلدىڭ بارلىق جاعالاۋداعى كۋرورتتارىندا مىندەتتى تۇردە ماسكا كيۋ جانە تۇنگى كومەندانتتىق ساعات ەنگىزىلدى.
يزرايل
يزرايل COVID-19 ۆيرۋسىمەن اۋىرعاندار سانىنىڭ كوبەيۋىنە جانە “دەلتا” شتامىنىڭ تارالۋىنا بايلانىستى تاعى دا قاتاڭ كارانتينگە كوشۋدە. 8 تامىزدان باستاپ 100-دەن اسا ادام بولاتىن جابىق ءۇي-جايداعى قوعامدىق ورىنداردا "دەنساۋلىق رۇقساتتامالارى" ەنگىزىلەدى. سونداي-اق ازاماتتاردى اشىق اۋادا وتەتىن ءىس-شارالار كەزىندە قورعانىس ماسكالارىن كيۋگە مىندەتتەيدى. كوروناۆيرۋسقا قارسى ۆاكسينا قابىلداعانىنا قاراماستان، ەلگە ورالعان تۋريستەر مىندەتتى 7 كۇندىك كارانتينگە جىبەرىلەدى. جاڭا شەكتەۋلەر مينيسترلەر كابينەتىنىڭ وتىرىسىنان كەيىن جەكسەنبىدە كۇشىنە ەنەدى.
ۆەتنام
ۆەتنامدا تۇرعىندار اراسىندا كوروناۆيرۋستىڭ تارالۋى ءالى دە جالعاسۋدا. مۇندا تاۋلىگىنە 8 429 COVID-19 ينفەكسياسىن جۇقتىرۋدىڭ جاڭا جاعدايلارى تىركەلدى. ونىڭ ىشىندە 8 377 - جەرگىلىكتى سيپاتتا، 52 - شەتەلدەن تاسىمالدانعان. جەرگىلىكتى سيپاتتاعى جاڭا جاعدايلارىنىڭ ىشىندە 4 171ء-ى حوشيمين قالاسىندا انىقتالدى، بۇل ەلدەگى كۆي تارالۋىنىڭ ەپيسەنترى. قازىرگى ۋاقىتتا ۆەتنامدا ۆيرۋس جۇقتىرعانداردىڭ جالپى سانى 170 190 ادامدى قۇرايدى، ولاردىڭ 2071ء-ى قايتىس بولدى. دەنساۋلىق ساقتاۋ مينيسترلىگى قازىرگى ۋاقىتتا COVID-19-عا قارسى ۆاكسينانىڭ 7 ميلليونعا جۋىق دوزاسى قولدانىلعانىن اتاپ ءوتتى.
جۇڭگو
ۋحاندا كوروناۆيرۋس ينفەكسياسىن جۇقتىرۋدىڭ بىرنەشە دەرەگى انىقتالعاننان كەيىن قالا تۇرعىندارىن كوروناۆيرۋس ينفەكسياسىنا جاپپاي تەكسەرۋ باستالادى. COVID-19 ۆيرۋسىن انىقتاۋعا ارنالعان تەستىلەۋدەن 12 ميلليوننان استام تۇرعىن وتەدى. 2020 جىلى كوروناۆيرۋسقا قارسى قاتاڭ شارالاردىڭ ارقاسىندا پەكين ينفەكسيانىڭ ودان ءارى تارالۋىن تەز ارادا توقتاتقان بولاتىن. الايدا ءقازىر پاندەميانىڭ جاڭا كەزەڭى قىتايعا ءقاۋىپ ءتوندىردى: شىلدە ايىنىڭ ورتاسىنان باستاپ ەلدە ينفەكسيانىڭ 400-دەن استام جاعدايى انىقتالدى.
رەسەي
رەسەي استاناسىندا كوروناۆيرۋستىق ينفەكسيا تارالۋىنىڭ كۇرت ءوسۋى تىركەلدى. ناۋقاستار سانى ۇشتەن ءبىر بولىككە ارتتى. وتكەن تاۋلىكتە - SARS-CoV-2 ۆيرۋسىن جۇقتىرعان 3 330 ادام تىركەلدى. بۇل الدىڭعى كۇنمەن سالىستىرعاندا 816 جاعدايعا كوپ. پاندەميا كەزىندە ماسكەۋدە 1 511 940 ينفەكسيا جۇقتىرۋ دەرەگى تىركەلدى، 25 779 تۇرعىن كوز جۇمدى. رەسەي فەدەراسياسىندا پاندەميا باستالعالى كوروناۆيرۋستىق ينفەكسيانىڭ 6 312 185 جاعدايى تىركەلدى، 160 137 ادام قايتىس بولدى.
گەرمانيا
گەرمانياداعى كوروناۆيرۋستىق جاعداي تۋرالى روبەرت كوح ينستيتۋتى اقپارات تاراتتى. سوڭعى 24 ساعات ىشىندە ەلدە كوروناۆيرۋستىق ينفەكسياسى بار 847 جاڭا ناۋقاس جانە ءبىر ادام قازاسى تىركەلدى. پاندەميا كەزىندە گەرمانيانىڭ 3 772 109 تۇرعىنىندا كوروناۆيرۋس انىقتالدى. گەرمانيادا COVID-19 دياگنوزىمەن قايتىس بولعان ناۋقاستاردىڭ سانى 91 600 ادامدى قۇرايدى.