تارازدا پوليسيا قىزمەتكەرلەرى توقتاتقان Mitsubishi Pajero ماركالى اۆتوكولىكتىڭ جۇرگىزۋشىسى ۇزاق ۋاقىت بويى جول ەرەجەسىن بىرنەشە رەت بۇزعانى ءۇشىن جاۋاپكەرشىلىكتەن جالتارعان، دەپ حابارلايدى aqshamnews.kz
جامبىل وبلىسى پوليسيا دەپارتامەنتىنىڭ باسپا ءسوز قىزمەتى مالىمەتىنشە، تەكسەرۋ بارىسىندا جۇرگىزۋشىنىڭ 43 جول ەرەجەسىن بۇزعانى، ولاردىڭ بارلىعى جىلدامدىقتى اسىرۋعا قاتىستى ەكەنى انىقتالعان.
كولىك جۇرگىزۋشىسى جول قوزعالىسى ەرەجەلەرىنىڭ تالاپتارىن جۇيەلى تۇردە ەلەمەي، باسقا قاتىسۋشىلاردىڭ ومىرىنە ءقاۋىپ توندىرگەن. قۇقىقبۇزۋشىنىڭ اۆتوكولىگى ارنايى تۇراققا قويىلدى.
پوليسيا تاعى ءبىر ەسكەرتەدى:
"جىلدامدىقتى اسىرۋ – اۋىر جول-كولىك وقيعالارىنىڭ باستى سەبەپتەرىنىڭ ءبىرى بولىپ قالا بەرەدى. جۇرگىزۋشىلەردى جول قوزعالىسى ەرەجەلەرىن جانە جىلدامدىق شەكتەۋلەرىن ساقتاۋعا شاقىرامىز".