«2026-2028 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىنا سايكەس 01.01.2026 جىلدان باستاپ:
ايلىق ەسەپتىك كورسەتكىش (اەك) – 4 325 تەڭگە؛
ەڭ تومەنگى زەينەتاقى – 69049 تەڭگە مولشەرىندە؛
ەڭ تومەنگى كۇنكورىس دەڭگەيى (ەتكد) – 50 851 تەڭگە؛
بازالىق زەينەتاقى تولەمىنىڭ ەڭ تومەنگى مولشەرى – 35 596 تەڭگە مولشەرىندە بەلگىلەنگەن.
جاسى جانە ەڭبەك سىڭىرگەن جىلدارى ءۇشىن زەينەتاقى تولەمدەرىنىڭ مولشەرى 2026 جىلعى 1 قاڭتاردان باستاپ الىناتىن مولشەردەن 10 % - عا ارتادى.
2026 جىلعى 1 قاڭتاردان باستاپ مەملەكەتتىك بازالىق زەينەتاقى تولەمىنىڭ مولشەرى قازاقستان رەسپۋبليكاسىنىڭ الەۋمەتتىك كودەكسىنىڭ (بۇدان ءارى – كودەكس) 205-بابىنا سايكەس ەتكد-نىڭ جاڭا مولشەرىنە پايىزدىق قاتىناستا بەلگىلەنەدى.
وسىعان وراي، 2026 جىلعى 1 قاڭتاردان باستاپ بازالىق زەينەتاقى مولشەرى زەينەتاقى جۇيەسىنە قاتىسۋ ءوتىلى ون جىل جانە ودان از بولعاندا نەمەسە بولماعاندا ءتيىستى قارجى جىلىنا ارنالعان رەسپۋبليكالىق بيۋدجەت تۋرالى زاڭدا بەلگىلەنگەن ەتكد شاماسىنىڭ 70 پايىزى مولشەرىندە، زەينەتاقى جۇيەسىنە قاتىسۋ ءوتىلى ون جىلدان ارتىق ءاربىر تولىق جىل ءۇشىن ونىڭ مولشەرى 2 پايىزعا ارتتىرىلادى، ءبىراق ەتكد شاماسىنىڭ 118 پايىزىنان اسپايتىن مولشەردە بەرىلەدى. 2026 جىلعى 01.01. باستاپ 34 جىل جانە ودان كوپ ءوتىلى بار بازالىق زەينەتاقىنىڭ ەڭ جوعارعى مولشەرى 60005 تەڭگەنى قۇرايدى.
سولتۇستىك قازاقستان وبلىسى بويىنشا بۇل ءوسىم 105 مىڭنان استام الۋشىعا اسەر ەتەدى.
مۇگەدەكتىگى بويىنشا جانە اسىراۋشىسىنان ايرىلۋ جاعدايى بويىنشا بەرىلەتىن مەملەكەتتىك الەۋمەتتىك جاردەماقىلاردىڭ مولشەرى كودەكستىڭ 177 جانە 236-باپتارىندا كوزدەلگەن مولشەردە بەلگىلەنەدى، 2026 جىلعى 1 قاڭتاردان باستاپ ەتكد مولشەرىنىڭ ۇلعايۋىنا بايلانىستىجوعارىتىلادى.
زياندى ەڭبەك جاعدايلارىندا جۇمىس ىستەيتىن ادامدارعا ارناۋلى كاسىپتىك مەملەكەتتىك جاردەماقىنىڭ مولشەرى2026 جىلدىڭ 1 قاڭتارىنان باستاپ ەتكد مولشەرىنىڭ ۇلعايۋىنا بايلانىستى جوعارىلاتىلادى.
مۇگەدەكتىگى بار بالانى تاربيەلەۋشىگە تاعايىندالاتىن جانە تولەنەتىن اي سايىنعى مەملەكەتتىك جاردەماقىنىڭ جانە ءبىرىنشى توپتاعى مۇگەدەكتىگى بار ادامعا كۇتىم جاساۋدى جۇزەگە اسىراتىن ادامعا بەرىلەتىن مەملەكەتتىك جاردەماقىنىڭ مولشەرى 2026 جىلدىڭ 1 قاڭتارىنان باستاپ ەتكد مولشەرىنىڭ ۇلعايۋىنا بايلانىستى جوعارىلاتىلادى.
ايلىق ەسەپتىك كورستەكىش مولشەرىنىڭ ارتۋىنا بايلانىستى №1 جانە №2 تىزىمدەر بويىنشا مەملەكەتتىك ارنايى جاردەماقىلار، بالا تۋۋعا بايلانىستى ءبىرجولعى مەملەكەتتىك جاردەماقى، اي سايىنعى بالا ءبىر جارىم جاسقا تولعانعا دەيىن ونىڭ كۇتىمىنە بايلانىستى مەملەكەتتىك جاردەماقى، جەرلەۋگە ءبىرجولعى تولەم، بىرگە تۇراتىن ءتورت جانە ودان كوپ كامەلەتكە تولماعان بالاسى بار كوپبالالى وتباسىلارعا، «التىن القا»، «كۇمىس القا» القالارىمەن ناگرادتالعاننەمەسە بۇرىن «باتىر انا» اتاعىن العان، ءى جانە ءىى دارەجەلى «انا داڭقى» وردەندەرىمەن ناگرادتالعان كوپ بالالى انالارعا اي سايىنعى مەملەكەتتىك جاردەماقىنىڭ مولشەرى ءوستى.
2026 جىلدىڭ 1 قاڭتارىنان باستاپ مەملەكەتتىك جاردەماقىلار مولشەرىنىڭ ءوسۋىنىڭ بىرنەشە مىسالدارى:
- 1، 2، 3 بالا تۋعان كەزىندە تولەنەتىن ءبىرجولعى جاردەماقى - 164 350 تەڭگەنى، 4 جانە ودان كوپ بالا تۋعاندا - 272 475 تەڭگەنى قۇرايتىن بولادى.
- كوپبالالى وتباسىنا اي سايىن بەرىلەتىن جاردەماقى ءتورت بالاعا –69 330 تەڭگە، بەس بالاعا – 86 673 تەڭگە،التى بالاعا – 104 017 تەڭگە مولشەرىندە تولەنەدى. سولتۇستىك قازاقستان وبلىسى بويىنشا كوپبپلپلى وتباسىلارعا 4،6 مىڭ الۋشى جاردەماقى الادى.
- جالپى اۋرۋدىڭ ءى توبىنداعى مۇگەدەكتىگى بار ادامدارعا ارنالعان جاردەماقى – 111 873 تەڭگەنى، ءىى توپ – 89 498 تەڭگەنى، ءىىى توپ – 61 022 تەڭگەنى قۇرايدى.
4) مۇگەدەكتىگى بار بالانى تاربيەلەۋشىگە تاعايىندالاتىن جانە تولەنەتىن اي سايىنعى مەملەكەتتىك جاردەماقىنىڭ جانە ءبىرىنشى توپتاعى مۇگەدەكتىگى بار ادامعا كۇتىم جاساۋدى جۇزەگە اسىراتىن ادامعا بەرىلەتىن مەملەكەتتىك جاردەماقىنىڭ مولشەرى - 81 871 تەڭگەنى قۇرايدى.