ءىس-شارالار جالعاسۋدا.
ق ر اقدم باسپا ءسوز قىزمەتى دەرەگىنشە، تامىزدىڭ تاقىرىپتىق جەلىسى – «تاۋەلسىزدىكتىڭ قۇقىقتىق نەگىزدەرى. قۇقىق ۇستەمدىگى جانە ازاماتتىق قوعام»، دەپ حابارلايدى Almaty-akshamy.kz. 24.kz-كە سىلتەمە جاساپ.
بۇل ايدىڭ باستى وقيعالارى قازاقستاننىڭ كونستيتۋسيا كۇنى مەن حالىقارالىق يادرولىق سىناقتارعا قارسى ءىس-قيمىل كۇنى بولىپ تابىلادى. ەسكە سالا كەتەيىك، مەرەيتوي تۇجىرىمداماسىنا سايكەس ءار اي وزىندىك جەكە تاقىرىپتا وتەدى. اتاپ ايتقاندا، ماۋسىم پاتريوتيزم جانە مەملەكەتتىك رامىزدەر تاقىرىبى اياسىندا وتسە، شىلدە «ەلوردا كۇنى. نۇر-سۇلتان – تابىس پەن وركەندەۋدىڭ سيمۆولى» تاقىرىبىندا ءوتتى.
وسى جىلدىڭ باسىنان بەرى تاۋەلسىزدىكتىڭ 30 جىلدىعىن مەرەكەلەۋدىڭ وڭىرلىك جوسپارلارى اياسىندا ەلىمىزدە 7 مىڭنان استام ءىس-شارا وتكىزىلدى. قازاقستان رەسپۋبليكاسى تاۋەلسىزدىگىنىڭ 30 جىلدىعىن مەرەكەلەۋدىڭ تامىز ايىنداعى كەستەسى تاريحي دامۋدىڭ جالپىۇلتتىق باعدارىن، سونداي-اق قازاقستاندىقتاردىڭ قۇقىقتىق مەملەكەت يدەالدارىنا بەيىلدىلىگىن ايقىنداۋدا كونستيتۋسيانىڭ ءمان-ماڭىزىن اشۋعا باعىتتالادى.
مەملەكەتتىك ورگاندار سانيتارلىق نورمالارعا سايكەس ءتۇرلى ءىس-شارالار، ونىڭ ىشىندە ازاماتتىق قوعام وكىلدەرىنىڭ قاتىسۋىمەن ديالوگ الاڭدارىن، سونداي-اق كورمەلەر، پاتريوتتىق اندەردىڭ بايقاۋلارى، جاستار اراسىندا زياتكەرلىك ويىندار وتكىزەدى. «تاۋەلسىزدىك تارلاندارى» جوباسى اياسىندا «حالىق قاھارمانى»، «ەڭبەك ەرى» اتاقتارىنا يە بولعان قوعام جانە مەملەكەت قايراتكەرلەرىمەن ونلاين-كەزدەسۋلەر وتەدى. ەلىمىزدىڭ مەملەكەتتىك ورگان باسشىلارىنىڭ، حالىقارالىق ۇيىمدار، باسقا ەلدەردىڭ كونستيتۋسيالىق ادىلەت ورگاندارى مەن عىلىمي قوعامداستىق وكىلدەرىنىڭ قاتىسۋىمەن حالىقارالىق سيمپوزيۋم وتەدى. سونىمەن قاتار بيىل سەمەي يادرولىق پوليگونىنىڭ جابىلۋىنا 30 جىل تولادى. ەستەرىڭىزگە سالا كەتەيىك، بۇل قازاقستان رەسپۋبليكاسىنىڭ تۇڭعىش پرەزيدەنتى ن.ءا.نازاربايەۆتىڭ 1991 جىلعى 29 تامىزداعى جارلىعىنىڭ ارقاسىندا مۇمكىن بولدى. ءبىزدىڭ ەلىمىز الەم تاريحىندا پلانەتاداعى ەكىنشى ءىرى يادرولىق سىناق پوليگونىن جاۋىپ، قۋاتتىلىعى بويىنشا ءتورتىنشى اسكەري يادرولىق ارسەنالدان ءوز ەركىمەن باس تارتقان ءبىرىنشى ەل بولدى.
شىعىس قازاقستان وبلىسىندا سەمەي يادرولىق پوليگونى جابىلۋىنىڭ 30 جىلدىعىنا ارنالعان حالىقارالىق كونفەرەنسيا، جىل سايىنعى «مەديسينا. رادياسيا. دەنساۋلىق» عىلىمي كونفەرەنسياسى وتكىزىلەدى، سونداي-اق يادرولىق سىناقتاردان زارداپ شەككەندەرگە ارنالعان ەسكەرتكىشكە گۇل قويۋ ءراسىمىن ۇيىمداستىرۋ جوسپارلانعان.