قازاقستان ۆولەيبول فەدەراسياسى ورتالىق ازيا ەلدەرىنىڭ چەمپيوندار ليگاسىنا قازاقستاندىق كلۋبتاردىڭ قاتىسۋ ءتارتىبىن بەكىتتى، دەپ حابارلايدى Zakon.kz.
قۆف ايەلدەر اراسىنداعى كلۋبتىق كوماندالارعا ارنالعان ورتالىق ازيا چەمپيوندار ليگاسىنا قاتىسۋ ەرەجەلەرى تۋرالى كلۋبتارعا رەسمي اقپارات جولدادى.
بۇل شەشىم ءتۋرنيردىڭ وتكىزىلۋ مەرزىمدەرىنىڭ وزگەرۋىنە، سونداي-اق قاتىسۋعا ءوتىنىم بەرۋ ۋاقىتىنىڭ شەكتەۋلى بولۋىنا بايلانىستى قابىلدانعان. ايتا كەتەيىك، ءوتىنىم قابىلداۋ مەرزىمى 2025 جىلدىڭ جەلتوقسان ايىنىڭ سوڭىنا دەيىن.
قۆف-نىڭ رەسمي حاتىنا سايكەس، اتالعان حالىقارالىق جارىستا قازاقستان رەسپۋبليكاسىنىڭ نامىسىن قورعاۋ قۇقىعى 2025 جىلعى قازاقستان كۋبوگىنىڭ جەڭىمپازىنا بەرىلەدى.
ەگەر كۋبوك يەگەرى جارىسقا قاتىسۋدان باس تارتقان جاعدايدا، بۇل قۇقىق 2025 جىلعى قازاقستان كۋبوگىنىڭ جۇلدەگەر كلۋبتارىنا (العان ورىندارىنا قاراي) كەزەكپەن بەرىلەدى. قاتىسۋدىڭ مىندەتتى شارتى – قارجىلىق كەپىلدىكتىڭ راستالۋى.
قازاقستان ايەلدەر كۋبوگىنىڭ فينالدىق كەزەڭى 22 جەلتوقساندا باستالدى. تۋرنيرگە قاتىساتىن 8 كوماندا ەكى توپقا ءبولىنىپ ونەر كورسەتۋدە. ال جارىستىڭ فينالى 28 جەلتوقسانعا جوسپارلانعان.