ۆاكسينانىڭ ەكى جاڭا ۇلگىسى زەرتحانالىق سىناققا جىبەرىلدى
الماتىداعى دارىلىك زاتتار مەن مەديسينالىق بۇيىمداردى ساراپتاۋ ۇلتتىق ورتالىعىنىڭ ماماندارى ۆاكسينالاردىڭ تيىمدىلىگىن زەردەلەمەك، دەپ حابارلايدى Almaty-akshamy.kz 24.kz-كە سىلتەمە جاساپ.
ايتا كەتەرلىگى، ەكپەنىڭ ءبىرى اۆستراليالىق عالىمداردىڭ كومەگىمەن شىعارىلعان. ول ادەتتەگىدەي يىققا سالىنادى. ال ەكىنشىسى وگايو شتاتىنىڭ ۋنيۆەرسيتەتىمەن بىرلەسىپ ازىرلەنگەن. ەكپەنىڭ بۇل ءتۇرى مۇرىنعا تامىزىلادى. قازاق اگرارلىق زەرتتەۋ ۋنيۆەرسيتەتى جانىنداعى ۆاكسيونولوگيا حالىقارالىق ورتالىعىنىڭ ديرەكتورى قايسار تابىنوۆ فەيسبۋكتەگى پاراقشاسىندا جاڭا ۆاكسينالاردىڭ بۇعان دەيىن جانۋارلارعا ەگىلىپ، بىرنەشە رەت شاعىن لابوراتوريالىق تەكسەرۋدەن وتكەنىن حابارلادى.