اقش-تا كەيبىر جانۋارلارعا ءقاۋىپتى ۆيرۋسقا قارسى ۆاكسينا سالىندى
كوروناۆيرۋس جۇقتىرۋعا بەيىم جانۋارلارعا ۆاكسينا سالىنا باستالدى. مۇنى Franklin جانە Stone حايۋاناتتار باعىنىڭ قىزمەتكەرلەرى قولعا الدى، دەپ حابارلايدى Almaty-akshamy.kz.
قازاقپارات اگەنتتىگىنىڭ حابارلاۋىنشا، بۇل تۋرالى جاڭا انگليا (اقش-تىڭ سولتۇستىك-شىعىس ايماعى) حايۋاناتتار باعىنىڭ سايتىندا ايتىلدى.
«جاڭا انگليانىڭ Franklin جانە Stone حايۋاناتتار باقتارىندا جانۋارلار اراسىندا COVID-19 جۇقتىرۋ وقيعالارى بولماعانىمەن، بۇل ۆاكسينا – ۆيرۋس جۇقتىرۋعا بەيىم جانۋارلار تۇرلەرىن قورعاۋ ءۇشىن ماڭىزدى الدىن الۋ شاراسى»، - دەدى جاڭا انگليا حايۋاناتتار باعىنىڭ اعا ۆەتەرينارى كريس بونار.
ۆاكسينانى ءبىرىنشى كەزەكتە كوروناۆيرۋس جۇقتىرۋ قاۋپىنە ۇشىراعان جانۋارلار الادى.
ۆاكسينالاۋ ءۇشىن Ptizerء-دىڭ قۇرىلىمدىق بولىمشەسى بولىپ تابىلاتىن Zoties ۆەتەرينارلىق فارماسيەۆتيكالىق كومپانياسىنىڭ پرەپاراتى قولدانىلۋدا. Zoties ءتورت اپتا ينتەرۆالمەن ەكى دوزامەن سالىنادى. ءقاۋىپ شەڭبەرىندەگى بارلىق جانۋارلاردى تولىق ۆاكسينالاۋ ءۇشىن ءۇش ايدان ءتورت ايعا دەيىن ۋاقىت قاجەت بولادى. Zoties ۆەتەرينارلىق فارماسيەۆتيكالىق كومپانياسى 70-كە جۋىق حايۋاناتتار باعى مەن جانۋارلاردى قورعايتىن باسقا دا مەكەمەلەردەگى 100-دەن استام ءتۇردى قورعاۋعا كومەكتەسۋ ءۇشىن كوروناۆيرۋسقا قارسى ۆاكسينانىڭ 11 مىڭنان استام دوزاسىن ءبولدى.