ەسكەرتۋلەردى جويماعان ۋنيۆەرسيتەت ليسەنزياسىنان ايىرىلدى
بۇعان دەيىن ق ر بعم جوعارى وقۋ ورنى باس ليسەنزياسىنان ايىرۋ الدىندا تۇرعانى تۋرالى حابارلاعان بولاتىن. قايتا تەكسەرۋ قورىتىندىسى بويىنشا، تەكسەرۋ پاراعىنىڭ 46 تارماعىنان 39 تارماعى بويىنشا بۇزۋشىلىقتار انىقتالدى، دەپ حابارلايدى Almaty-akshamy.kz 24.kz سايتىنا سىلتەمە جاساپ.
«ۋنيۆەرسيتەتكە سايكەسسىزدىكتەردى جويۋعا ۋاقىت بەرىلدى. الايدا جوعارى وقۋ ورنى بەرىلگەن ۋاقىتتى ءبىلىم بەرۋ قىزمەتتەرىنىڭ ساپاسىن جاقسارتۋ ءۇشىن قاجەتتى جۇمىستى جۇرگىزۋ ماسەلەسىنە ەمەس، سوت تالقىلاۋىنا جانە ق ر بعم كوميتەتىنىڭ ىس-ارەكەتتەرىنە شاعىمدانۋعا جۇمسادى. ناتيجەسىندە الماتى قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتىنىڭ 2021 جىلعى 1 قىركۇيەكتەگى شەشىمىمەن جوعارى وقۋ ورنى باس ليسەنزياسىنان ايىرىلدى»، – دەلىنگەن مينيسترلىك تاراتقان مالىمەتتە.
سونداي-اق الماتى قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتىنىڭ 2021 جىلعى 18 تامىزداعى شەشىمىمەن جوعارى وقۋ ورىنى نۇسقامانى ورىنداماعانى ءۇشىن اكىمشىلىك جاۋاپكەرشىلىككە تارتىلدى.
«ءبىز جوعارى وقۋ ورىندارىنا بۇزۋشىلىقتاردى جويۋعا ۋاقىت بەرەمىز، الايدا ولار كەمشىلىكتەرمەن جۇمىس جۇرگىزبەيدى. وسىعان بايلانىستى كەيىنىرەك قاتاڭ شارالار قولدانۋعا تۋرا كەلەدى. ۋنيۆەرسيتەتتەردىڭ وقۋ جاعدايلارىن، ءبىلىم بەرۋ باعدارلامالارىن جانە تۇتاستاي العاندا، ستۋدەنتتەردى بەلگىلى ءبىر ماماندىقتارعا وقىتۋعا دەگەن كوزقاراسىن جاقسارتۋى ءۇشىن بۇل وتە ماڭىزدى. ايتپەسە، جوعارى وقۋ ورىندارى ساپالى ءبىلىم ەمەس، تەك ديپلومدار بەرەتىن بولادى. مىسالى، شەت تىلدەر جانە ىسكەرلىك كارەرا ۋنيۆەرسيتەتىندە ءبىلىم بەرۋ ساپاسىن قامتاماسىز ەتۋدىڭ ىشكى جۇيەسى قالىپتاسپاعان. ءبىلىم بەرۋ باعدارلامالارىن، جەكە وقۋ جوسپارلارىن تالداۋ بەلگىلى ءبىر پاندەر بويىنشا كرەديتتەردى يگەرۋدە ۇلكەن ايىرماشىلىقتاردى كورسەتتى. تيىسىنشە، ءبىلىم الۋشىلار پاندەردى تولىق كولەمدە مەڭگەرمەيدى. وقىتۋ ناتيجەلەرى بويىنشا ستۋدەنتتەردىڭ 90%ء-ى شەكتى دەڭگەيدەن وتە المادى»، – دەپ اتاپ ءوتتى ق ر بعم ءبىلىم جانە عىلىم سالاسىندا ساپانى قامتاماسىز ەتۋ كوميتەتىنىڭ ءتورايىمى گۇلزات كوبەنوۆا.
ق ر بعم مالىمەتىنشە، ليسەنزيادان ايىرىلعان جاعدايدا ءبىلىم الۋشىلار سەمەستردىڭ اياقتالۋىن كۇتپەي-اق باسقا ۋنيۆەرسيتەتتەرگە اۋىسا الادى.