رەسەيلىك دارىگەر COVID-19-بەن اۋىرعاننان كەيىن بۇيرەكتى تەكسەرۋگە كەڭەس بەرەدى
رەسەيلىك نەفرولوگ دارىگەر كوروناۆيرۋس سالدارى بۇيرەك قىزمەتىنە زيانىن تيگىزۋى مۇمكىن دەپ سانايدى، دەپ حابارلايدى almaty-akshamy.kz.
ول SARS-CoV-2 كوروناۆيرۋسى اپف2 فەرمەنتى بار بارلىق ورگاندارعا شابۋىلدايتىنىن ايتتى. ۆيرۋس ونى اعزاعا ەنۋ ءۇشىن رەسەپتور رەتىندە قولدانادى.
دارىگەردىڭ سوزىنشە، بۇل رەسەپتورلار جۇرەكتە، مىقىن ىشەكتە، وڭەشتە، قۋىقتا بولادى. بۇيرەكتە ولار ەكى ەسە كوپ بولادى، سول سەبەپتى بۇيرەك ۆيرۋستىق ينۆازيانىڭ اسا جوعارى قاۋپىنە ۇشىرايدى. ۆيرۋس اعزاعا ەنگەننەن كەيىن جەدەل بۇيرەك جەتكىلىكسىزدىگى ورناۋى مۇمكىن.
بۇيرەكتىڭ جەدەل زاقىمدانۋى COVID-19 ولىمىنە اكەلەتىن فاكتورلارىنىڭ ءبىرى بولىپ تابىلادى، اسىرەسە، اۋرۋدىڭ اۋىر اعىمىندا. سونىمەن قاتار، نەفرولوگ پاسيەنتتەر وعان دەيىن ەشتەڭە بايقاماعاننان كەيىن، وزدەرىنىڭ بۇيرەگى اۋىرىپ جۇرگەنىن بىلمەۋى مۇمكىن ەكەندىگىن ايتادى، ال كوروناۆيرۋس بۇعان دەيىن باياۋ دامىپ كەلە جاتقان پروسەستەردى كۇرت ۋشىقتىرا الادى.
دارىگەر اننا كوروبكينا COVID-19-دەن ۇيدە ەمدەلىپ جاتقان ناۋقاستارعا بۇيرەك قىزمەتىنىڭ جۇمىسىن انىقتاۋ ءۇشىن نە ىستەۋ قاجەت ەكەنىن ءتىزىپ ايتىپ بەردى:
ول ءۇشىن اقۋىزدىڭ بار-جوعىن انىقتاۋ ءۇشىن جالپى ءزار ءاناليزىن، كرەاتينين مولشەرىن انىقتاۋ ءۇشىن بيوحيميالىق قان تالداماسىن جاساتۋ كەرەك. بۇل - بۇيرەكتىڭ قانشالىقتى جاقسى جۇمىس ىستەيتىنىن تەكسەرۋ ءۇشىن نەگىزگى سكرينينگ. كەيىننەن كوروناۆيرۋستىڭ بۇيرەك تىنىنە اسەرىن بولدىرماۋ ءۇشىن قاننىڭ ۇيۋ پارامەترلەرىن باقىلاۋ جانە ترومبوزدىڭ الدىن الۋ قاجەت، ويتكەنى قان ۇيىعىشتارى بۇيرەك تامىرلارىندا دا پايدا بولاتىن كورىنەدى.
باستىسى، ادام دەنساۋلىعى سىر بەرسە، اۋرۋدى اسقىندىرماي، دەرەۋ دارىگەر كومەگىنە جۇگىنگەن ءجون.