ون كۇن اۋىرعان ادام، ون جىلعا قارتايادى
كوروناۆيرۋس ادام اعزاسىن جىلدام قارتايۋعا اكەلەدى. ون كۇن اۋىرعان ادام ون جىلعا قارتايادى. بۇل تۋرالى لومونوسوۆ اتىنداعى ءممۋ-دىڭ جەتەكشى عىلىمي مامانى، مولەكۋليارلى بيولوگ ماكسيم سكۋلاچيەۆ Sputnik راديوسىنا بەرگەن سۇحباتىندا ايتتى، دەپ حابارلايدى Almaty-akshamy.kz.
«ەگەر ءسىز ۆاكسينا الماعان بولساڭىز جانە كوروناۆيرۋسپەن اۋىرعان جاعدايدا، وندا الداعى ون جىلدا ءسىزدىڭ دەنساۋلىعىڭىزدا بولاتىن وزگەرىستەر مەن سىرقاتتاردى ون كۇننىڭ ىشىندە سەزىنەسىز. بۇل جىلدام قارتايۋعا ۇقسايدى،-دەيدى ماكسيم سكۋلاچيەۆ.
ساراپشىنىڭ ايتۋىنشا، ءدال وسى فاكتور ەگدە جاستاعى ادامدار اراسىندا كوروناۆيرۋستان ءولىم-جىتىم دەڭگەيىنىڭ جوعارى بولۋىنا سەبەپشى: ولاردىڭ كوپشىلىگىنە الداعى ون جىلدا ءومىر ءسۇرۋ جازىلماعان.
سونداي-اق مولەكۋليارلى بيولوگ كوروناۆيرۋسقا بايلانىستى جوعالعان جىلداردى دارىگەرلەر قايتارا الاتىنىن مالىمدەدى.
«COVID-19 ادامداردىڭ قارتايۋىن جىلدامداتقانىمەن، ونى كەرى قايتارۋعا بولادى. ماسەلەن، كوروناۆيرۋستان كەيىنگى سيندروم قارتتىقتىڭ كەنەتتەن باستالۋىنا ۇقساس، ءبىراق ادامدار ودان ەمدەلىپ كەتۋى مۇمكىن. ءقازىر ناقتى ايتۋ ەرتەرەك، دەگەنمەن ءسىز ودان جازىلىپ شىقساڭىز ەرتە قارتايۋدى باۋلاتۋعا بولادى»،-دەيدى بيولوگ.
دارىگەردىڭ ايتۋىنشا، ۆاكسينا العان ادامدار جىلدام قارتايۋعا بەيىم ەمەس، ويتكەنى مۇنداي ناۋقاستاردا اۋرۋ جەڭىل تۇردە وتەدى.
14 جەلتوقساندا فەدەرالدى مەديسينالىق-بيولوگيالىق اگەنتتىگىنىڭ جەتەكشىسى ۆەرونيكا سكۆورسوۆا رەسەي عىلىم اكادەمياسىنىڭ جالپى جيىنىندا كوروناۆيرۋس ادام اعزاسىنىڭ قارتايۋعا ءتان قايتا قۇرىلىمدالۋىن جەدەلدەتەتىنىن مالىمدەگەن ەدى.
ءقازىر الەمنىڭ وزگە ەلدەرىندەگىدەي قازاقستاندا دا كوروناۆيرۋسقا قارسى ۆاكسينا حالىققا تەگىن سالىنىپ جاتىر.