بۇگىن ايەلدەر موگۋلىنان «قولا» مەدال العان يۋليا گالىشيەۆا جارىس جولىنا شىعادى
جەكسەنبى، 6 اقپاندا بەيجىڭدەگى قىسقى وليمپيادا ويىندارىندا جەتى جۇلدە جيىنتىعى ويناتىلادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
سنوۋبورد (ايەلدەر اراسىنداعى سلوۋپستايل)، كونكيمەن جۇگىرۋ سپورتى (5000 م، ەرلەر)، شاڭعى جارىسى (سكياتلون، 30 كم، ەرلەر)، فريستايل (موگۋل، ايەلدەر)، شانا سپورتى (ءبىر ورىندىق شانا، ەرلەر) جانە شاڭعىمەن ترامپليننەن سەكىرۋ (قاراپايىم ترامپلين، ەرلەر) سياقتى سپورت تۇرلەرىنەن اقتىق سىن وتەدى.
قازاقستان جانكۇيەرلەرىنىڭ باستى ءۇمىتى – 2018 جىلعى پحەنچحانداعى وليمپيادا ويىندارىنان ايەلدەر موگۋلىنان «قولا» مەدال العان يۋليا گالىشيەۆا.
3 اقپاندا يۋليا گالىشيەۆا بەيجىڭدەگى وليمپيادا-2022 ءبىرىنشى ىرىكتەۋىندە موگۋلدان جارىسقا شىقپادى، ال اناستاسيا گورودكو قاشىقتىققا دەيىن جەتە المادى.
بۇگىن كەشكە قازاقستاندىق فريستايليستەر ولەسيا گراۋر، اياۋلىم امرەنوۆا، يۋليا گالىشيەۆا جانە اناستاسيا گورودكو موگۋل جارىسىنان اقتىق سىنعا شىعۋ ءۇشىن ب ا ق سىنايدى.
قازاقستاندىق شاڭعىشىلار ۆيتاليا پۋحكالو مەن ەۆگەنيا ۆەليچكو چجانسزياكوۋداعى ۇلتتىق ستاديوندا العاشقى جارىسقا قاتىسادى. مۇندا ەرلەر سكياتلونىنىڭ كوشباسشىلارى - نورۆەگيالىق جانە رەسەيلىك اتلەتتەر.
تاۋ شاڭعىشىلارى يانسيندە جىلدامدىققا سىرعانايدى. سپورتتىڭ بۇل تۇرىنە قازاقستان كومانداسىنىڭ اتلەتتەرى ۇسىنىلماعان.
جەكسەنبى كۇنى قازاقستاندىق «ۇشاتىن شاڭعىشىلار» سەرگەي تكاچەنكو مەن دانيل ۆاسيليەۆ شاڭعىمەن ترامپليننەن سەكىرۋدەن وليمپيادا فينالىنا شىعۋ ءۇشىن كۇرەسەدى.