كوروناۆيرۋس پاندەمياسى ادامداردىڭ پسيحولوگيالىق جاعدايىنا اسەر ەتۋدە

ادام اعزاسىندا وتتەگىنىڭ ۇزاق ۋاقىت جەتكىلىكسىز بولۋى پسيحولوگيالىق كۇيزەلىسكە اكەپ سوعادى

حالىقارالىق عالىمدار توبى جاھاندىق زەرتتەۋ جۇرگىزىپ، سوڭعى 1 جىلدا كۇيزەلىسكە ۇشىراعاندار قاتارى الەم بويىنشا 28 پايىزعا وسكەنىن انىقتاپ وتىر، دەپ حابارلايدى، Almaty-akshamy.kz

عىلىمي جۇمىستىڭ ناتيجيەسى The Lancet جۋرنالىندا جاريالاندى. ياعني، COVID-19 ۆيرۋسىنا شالدىققان ناۋقاستار ەش سەبەپسىز مازاسىز كۇيگە ءتۇسىپ، ۇيقىسى قاشقان، اس قورىتۋ مۇشەلەرىندە اۋىرتپالىق سەزىنگەن. ال دۇنيەجۇزىلىك دەنساۋلىق ساقتاۋ ۇيىمىنىڭ وكىلدەرى ءدال وسىنداي جاعداي كوروناۆيرۋس جۇقتىرىپ، جازىلعاننان كەيىن دە 3 اي بويى جالعاسۋى مۇمكىن ەكەنىن ايتىپ وتىر.  

«كوروناۆيرۋس ينفەكسياسى قان تامىرلارىن زاقىمدايدى. سونىڭ سالدارىنان ورتالىق جۇيكە جۇيەسىنىڭ جۇمىسى ناشارلايدى. سونداي-اق، رەسپيراتورلىق سيندروم – قاننىڭ قۇرامىنداعى وتتەگىنىڭ ايتارلىقتاي تومەندەۋىنە اسەر ەتۋى مۇمكىن. ال ادام اعزاسىندا وتتەگىنىڭ ۇزاق ۋاقىت جەتكىلىكسىز بولۋى پسيحولوگيالىق كۇيزەلىسكە اكەپ سوعادى»، – دەدى قر-داعى ددۇ ەلدىك ءوفيسىنىڭ قازاقستانداعى جانە ورتالىق ازيا ەلدەرىندەگى پسيحيكالىق دەنساۋلىق جونىندەگى ۇلتتىق كەڭەسشىسى نيكولاي نەگاي.