مۇنداي بولجامدى ددسۇ باسشىسى جاسادى
ول سونداي-اق ءقازىر مامانداردى "وميكرون" الاڭداتىپ وتىرعانىن ايتتى. ويتكەنى قولدا بار مالىمەت بويىنشا، بۇل شتامم "دەلتادان" دا جىلدام تارايدى، دەپ حابارلايدى Almaty-akshamy.kz
سوڭعى اقپارات بويىنشا، وتكەن ايدا عانا انىقتالعان جاڭا مۋتاسيا الەمنىڭ 90-نان اسا ەلىندە تىركەلگەن.
"وميكرون" تەز تارايتىندىقتان، بۇعان دەيىن ىندەتپەن اۋىرىپ شىققاندار مەن ەكپە سالدىرعانداردىڭ ۆيرۋستى قايتا جۇقتىرۋ ىقتيمالدىعى بۇرىنعىدان دا جوعارى بولۋى مۇمكىن. بۇل باعىتتاعى زەرتتەۋلەر ءالى جالعاسىپ جاتىر. ءبىز ۆيرۋستىڭ قالاي پايدا بولعانىن ناقتى ءبىلۋىمىز كەرەك. سوندا بولاشاقتا قازىرگىدەي جاعداي قايتالانبايدى"، - دەدى ددسۇ باسشىسى تەدروس ادحانوم گەبرەيەسۋس.
كوروناۆيرۋس پاندەمياسى 2022 جىلى اياقتالۋى مۇمكىن. ول ءۇشىن كەلەر جىلدىڭ ورتاسىنا دەيىن الەم حالقىنىڭ 70 پايىزى ۆاكسينا سالدىرۋى ءتيىس.