ەلىمىزدە كوروناۆيرۋس جۇقتىرعاندار كوبەيدى.
دەنساۋلىق ساقتاۋ مينيسترلىگى قوعامدىق ورىنداردا مەديسينالىق ماسكا تاعۋعا كەڭەس بەرەدى، دەپ حابارلايدى Almaty-akshamy.kz.
COVID-19 جۇقتىرعانداردىڭ باسىم بولىگى الماتى مەن استانادا. سانيتارلىق-ەپيدەميولوگيالىق باقىلاۋ كوميتەتىنىڭ باسپا ءسوز قىزمەتى جەلتوقساننان قاڭتارعا دەيىن سىرقاتتانۋ سانى 2،5 ەسەگە ارتقانىن حابارلادى. ءقازىر جۇقپالى ينفەكسيا جۇقتىرعان 3 ناۋقاس اۋرۋحانادا ەمدەلىپ جاتىر.
مينيسترلىك ەشقانداي شەكتەۋ شارالارى ەنگىزۋدى جوسپارلاپ وتىرعان جوق. الايدا بۇگىن ۇكىمەت، ءماجىلىس پەن سەنات عيماراتىندا ماسكا تاعۋ رەجيمى ەنگىزىلدى.