ددۇ وسىعان قاتىستى مالىمدەمە جاسادى.
بيىل كوروناۆيرۋس پاندەمياسى اياقتالادى، دەپ حابارلايدى Almaty-akshamy.kz
دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى تەدروس ادان گەبرەيەسۋس 2023 جىلى Covid-19 پاندەمياسى اياقتالاتىنىنا جانە اۋرۋعا بايلانىستى حالىقارالىق توتەنشە جاعداي رەجيمى ءوز كۇشىن جوياتىنىنا سەنىمدى.
مۇنداي مالىمدەمەنى ول دەنساۋلىق ساقتاۋ سالاسىنا قوسقان ۇلەسى ءۇشىن كىشى توماس فرەنسيس مەدالىن العاننان كەيىن جاسادى.
"وسى جىلى ءبىز Covid-19 دەنساۋلىق ساقتاۋ سالاسىنداعى حالىقارالىق ماڭىزى بار توتەنشە جاعداي مەن پاندەميا رەتىندە اياقتالدى دەپ ايتا الاتىنىمىزعا سەنىمدىمىن"، - دەدى گەبرەيەسۋس.
ول پاندەميا جاريالانعالى بەرى العاش اپتا سايىن تىركەلىپ جاتقان قايتقاندار سانى ازايعانىن اتاپ ءوتتى. ونىڭ ايتۋىنشا، ءقازىر جاعداي اناعۇرلىم جاقسارىپ، ءبىر قالىپقا كەلدى.