بۇل – «قارۋ» رەسپۋبليكالىق جەدەل الدىن الۋ ءىس-شاراسىنىڭ ناتيجەسى.
ونىڭ ماقساتى - ءتيىستى قوعامدىق ءتارتىپتى ساقتاۋ، اتىس قارۋىن قولدانۋمەن جاسالعان قىلمىستاردىڭ الدىن الۋ جانە جولىن كەسۋ، دەپ حابارلايدى Almaty-akshamy.kz.
«تەكسەرۋمەن بارلىعى 35118 جەكە ازاماتتىق قارۋ يەلەرى مەن 295 زاڭدى تۇلعا، ونىڭ ىشىندە 16 ارنايى دۇكەن قامتىلدى. ناتيجەسىندە ازاماتتىق جانە قىزمەتتىك قارۋدى ساقتاۋ، ەسەپكە الۋ جانە قايتا تىركەۋ شارتتارىن بۇزۋدىڭ 976 دەرەگى انىقتالىپ، ناتيجەسىندە 971 جەكە مەنشىك يەسى جانە 5 زاڭدى تۇلعا اكىمشىلىك جاۋاپكەرشىلىككە تارتىلدى. انىقتالعان زاڭ بۇزۋشىلىقتار جويىلعانشا ولاردان 605 بىرلىك تىركەلگەن قارۋ تاركىلەندى»، – دەدى الماتى قالالىق اكىمشىلىك پوليسيا باسقارماسىنىڭ باستىعى اسحات قۇلبايەۆ.
سونىمەن قاتار اسحات قۇلبايەۆتىڭ ايتۋىنشا، ءىس-شارا بارىسىندا زاڭسىز اينالىمنان 81 بىرلىك تىركەلمەگەن قارۋ، ەكى بىرلىك جارىلعىش قۇرىلعى، ءبىر مىڭنان استام ءوق-دارى، التى بىرلىك سالقىن قارۋ، 11 گراناتا جانە 276 ەلەكتروشوكەر تاركىلەندى.
«ق ر قك-نىڭ 287-بابى بويىنشا تىركەلمەگەن ۆينتوۆكالىق، تەگىس ۇڭعىلى، گاز-تراۆماتيكالىق، گازدى، پنيەۆماتيكالىق جانە ەلەكترلىك قارۋدى زاڭسىز ساقتاعانى ءۇشىن بارلىعى 45 قىلمىستىق ءىس جانە ق ر اقبتك-نىڭ 482-بابى بويىنشا التى اكىمشىلىك ءىس قوزعالدى»، – دەدى قۇلبايەۆ.