الماتى قالاسى قوعامدىق دامۋ باسقارماسىنىڭ قوعامدىق دامۋ ورتالىعىنىڭ ۇيىمداستىرۋمەن «كورنەكتى تۇلعالاردىڭ مۇراسى» اتتى ادەبي كۆەست بايقاۋى وتەدى.
بايقاۋ بارىسىندا تۇلعالاردىڭ عۇمىرى مەن ەڭبەكتەرىن ناسيحاتتاۋداعى مالىمەتتەر تالدانىپ، شىعارماشىلىق تۇلعاسى جان-جاقتى اشىلاتىن بولادى، دەپ حابارلايدى Almaty-akshamy.kz.
بايقاۋ ماقساتى: كورنەكتى تۇلعالاردىڭ شىعارماشىلىق مۇراسىن دارىپتەۋ، جاستاردىڭ وقۋ، ءوزىن-وزى دامىتۋ بەلسەندىلىگىن ارتتىرىپ، بىرلىككە، ۇيىمداستىرۋشىلىققا، پاتريوتتىققا، ونەردى باعالاي بىلۋگە تاربيەلەۋ.
بايقاۋعا جالپى ءبىلىم بەرۋ ۇيىمدارىنىڭ 7، 8-سىنىپ، قازاق ءبولىمى وقۋشىلارى قاتىسادى. كونكۋرس قاتىسۋشىلارىن ىرىكتەۋ جانە جەڭىمپازداردى انىقتاۋ قاتارىندا ساراپشىلار، جۋرناليستتەر جانە ونەر قايراتكەرلەرى بولادى.
بايقاۋ جەڭىمپازدارى ارنايى ديپلومدار، العىس حاتتار جانە اقشالاي سىيلىقتارمەن ماراپاتتالادى.
شارا سوڭىندا ءاربىر قاتىسۋشى «رۋحاني كوشباسشىلاردىڭ گالاكتيكاسىنا قوسىلا الام با؟» دەگەن نەگىزگى سۇراققا جاۋاپ الۋى كەرەك.