ساپار اياسىندا كورەي ءمينيسترىنىڭ مەملەكەت باسشىلىعىمەن كەزدەسۋى جوسپارلانعان
كورەيا رەسپۋبليكاسىنىڭ سىرتقى ىستەر ءمينيسترى پاك چجين قازاقستانعا رەسمي ساپارمەن كەلەدى. بۇل تۋرالى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«30 مامىر مەن 1 ماۋسىم ارالىعىندا كورەيا رەسپۋبليكاسىنىڭ سىرتقى ىستەر ءمينيسترى پاك ءچجيننىڭ قازاقستان رەسپۋبليكاسىنا رەسمي ساپارى وتەدى. ساپار بارىسىندا قازاقستان پرەمەر-مينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋمەن ەكىجاقتى كەلىسسوزدەرى جوسپارلانعان»، - دەدى رەسمي وكىل ۆەدومستۆودا وتكەن اپتالىق بريفينگتە.
ايبەك سمادياروۆتىڭ اتاپ وتۋىنشە، تاراپتار كەڭەيتىلگەن ستراتەگيالىق ارىپتەستىكتىڭ، ونىڭ ىشىندە ساياسي، ەكونوميكالىق جانە مادەني ءوزارا ءىس-قيمىل سالالارىنداعى قازاقستان-وڭتۇستىك كورەيا قاتىناستارىنىڭ اعىمداعى جاي-كۇيى مەن پەرسپەكتيۆالارىن تالقىلايدى.
«حالىقارالىق ۇيىمدار مەن فورۋمدار اياسىندا ەكى ەلدىڭ ىنتىماقتاستىعى بويىنشا پىكىر الماسۋ جوسپارلانىپ وتىر. ساپار اياسىندا كورەي ءمينيسترىنىڭ مەملەكەت باسشىلىعىمەن كەزدەسۋى جوسپارلانعان»، - دەدى ول.