جاڭا ءۇي سالعان قۇرىلىس كومپانياسى ۋاقىتشا باسقارۋشى كومپانيانى ەكى جىلعا دەيىنگى مەرزىمگە تاعايىنداي الادى، دەپ حابارلايدى aqshamnews.kz
سەنات دەپۋتاتتارى تۇرعىن ۇيلەردى باسقارۋعا قاتىستى زاڭدى ماقۇلدادى. زاڭعا سايكەس، كوندومينيۋم وبەكتىسىن باسقارۋدىڭ ەكى فورماسى عانا قالادى. ولار: مۇلىك يەلەرىنىڭ بىرلەستىگى جانە تىكەلەي بىرلەسكەن باسقارۋ. سوسىن تۇرعىن ءۇيدى باسقارۋدىڭ ەكى ءتۇرى - باسقارۋشى كومپانيا جانە پاتەر يەلەرىنىڭ كووپەراتيۆى ساقتالادى.
"كوپپاتەرلى ۇيلەردىڭ ورتاق مۇلكىن ءتيىستى جاعدايدا ۇستاۋ ماقساتىندا زاڭدا باسقارۋشى كومپانيانىڭ ۋاقىتشا باسقارۋدى جۇزەگە اسىرا الاتىنى كوزدەلەدى. ۋاقىتشا باسقارۋ تۇرعىن ءۇي يەلەرى مۇلىك يەلەرىنىڭ بىرلەستىگىن قۇرماعان نەمەسە باسقارۋ سۋبەكتىسىن تاڭداۋ تۋرالى شەشىم قابىلداماعان جاعدايلاردا قولدانىلادى"، - دەيدى دەپۋتاتتار.
ال جاڭا ءۇي سالعان قۇرىلىس كومپانياسى ۋاقىتشا باسقارۋشى كومپانيانى ەكى جىلعا دەيىنگى مەرزىمگە تاعايىنداي الادى.
بۇدان بولەك، زاڭدا مۇلىك يەلەرى بىرلەستىگى ءتوراعاسىنىڭ وكىلەتتىك مەرزىمى ءبىر جىلدان ءۇش جىلعا دەيىن ۇزارتىلادى. سونداي-اق، ءتوراعاعا مۇلىكتى باسقارۋ جونىندەگى قىزمەتتى دەربەس جۇزەگە اسىرۋ قۇقىعى بەرىلەدى.
تۇرعىنداردىڭ جينالىستارىن وتكىزۋ تارتىبىنە دە وزگەرىس ەنگىزىلەدى. اتاپ ايتقاندا، جازباشا ساۋالناما جۇرگىزۋ نەمەسە مەملەكەتتىك اقپاراتتىق جۇيەلەر ارقىلى ەلەكتروندىق داۋىس بەرۋ ارقىلى سىرتتاي فورماتتاعى مۇمكىندىك بولادى.
جەرگىلىكتى ءماسليحاتتار كوپپاتەرلى تۇرعىن ۇيلەردىڭ پايدالانۋ شىعىستارىنا جارنالاردىڭ ەڭ از مولشەرىن ايلىق ەسەپتىك كورسەتكىشپەر ەسەپتەۋ جۇيەسىن ەنگىزە الادى. ال تۇرعىن ءۇي ينسپەكسياسىنىڭ قۇزىرەتىن كەڭەيتىلەدى.
ايتا كەتەرى، بۇگىن سەنات زاڭدى بىردەن ەكى وقىلىمدا ماقۇلداپ، پرەزيدەنتتىڭ قول قويۋىنا جىبەردى.