قازاقستاندا جاڭا سالىق كودەكسى قابىلدانباق، دەپ حابارلايدى aqshamnews.kz
قازىرگى ۋاقىتتا قۇجات سەناتتا ءبىرىنشى وقىلىمدا قارالىپ جاتىر. ەگەر زاڭ جوباسى ماقۇلدانسا، 2026 جىلدىڭ 1 قاڭتارىنان باستاپ جاڭا ەرەجەلەر كۇشىنە ەنەدى.
ەڭ باستى وزگەرىستەر:
— كورپوراتيۆتىك تابىس سالىعى (كتس) – 20%، بانكتەر ءۇشىن – 25%
— قوسىلعان قۇن سالىعى (ققس) – قازىرگى 12%-دان 16%-عا دەيىن وسەدى
▪️ دارى-دارمەك، مەديسينالىق بۇيىمدار مەن قىزمەتتەر ءۇشىن جەڭىلدەتىلگەن مولشەرلەمە ساقتالادى:
2026 جىلى – 5%، 2027 جىلى – 10%.
— ققس تىركەۋ شەگى ەكى ەسە تومەندەيدى – 20 000 اەك-تان 10 000 اەك-قا دەيىن (شامامەن 78،3 ملن تگ-دەن 39،1 ملن تەڭگەگە دەيىن).
— جەكە تابىس سالىعى (جتس) – جىلدىق تابىسى 8 500 اەك-تەن (شامامەن 33،3 ملن تەڭگە) اساتىن جەكە تۇلعالار ءۇشىن 15% مولشەرىندە بەلگىلەنەدى.
— اكسيزدەر كوتەرىلەدى: الكوگول مەن تەمەكىگە قوسا، ەنەرگەتيكالىق سۋسىندارعا دا ەنگىزىلەدى
— قىمبات مۇلىككە سالىناتىن سالىق ەنگىزىلەدى:
▪️ 75 ملن تەڭگەدەن قىمبات كولىكتەرگە – 10% اكسيز
▪️ 450 ملن تەڭگەدەن اساتىن جىلجىمايتىن مۇلىككە – 2% سالىق
▪️ ياحتالار مەن ۇشاقتارعا – 100 ملن تەڭگەدەن باستاپ
سالىق رەجيمدەرى قىسقارادى:
قازىرگى 7 سالىق ءتارتىبىنىڭ ورنىنا 3 عانا قالادى:
ءوزىن-وزى جۇمىسپەن قامتىعاندار ءۇشىن – 4% سالىق، جىلدىق تابىسى 15 ملن تەڭگەدەن اسپاۋى ءتيىس. يپ رەتىندە تىركەلۋ مىندەتتى ەمەس.
جەڭىلدەتىلگەن دەكلاراسيا – تابىس شەگى 600 000 اەك نەمەسە شامامەن 2،35 ملرد تەڭگە. سالىق مولشەرى – 4%، ءبىراق جەرگىلىكتى ءماسليحات 2%-دان 6%-عا دەيىن وزگەرتە الادى.
شارۋا قوجالىقتارى مەن فەرمەرلەر – بۇرىنعى ءتارتىپ ساقتالادى، ءبىراق ەندى جەر سالىعىنىڭ ورنىنا جتس تولەنەدى.