جاردەماقىنى تاعايىنداۋدا مەملەكەتتىك قىزمەتتى پرواكتيۆتى فورماتتا الۋ مۇمكىندىگى انالاردى كەزەكتە تۇرۋدان قۇتقاردى
ق ر ەڭبەك جانە حالىقتى الەۋمەتتىك قورعاۋ مينيسترلىگى «التىن القا» جانە «كۇمىس القا» القالارىمەن ماراپاتتالعان كوپ بالالى انالارعا مەملەكەتتىك جاردەماقى تاعايىنداۋ بويىنشا قىزمەتتى پرواكتيۆتى فورماتتا الۋ ءتارتىبىن جەڭىلدەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«كوپ بالالى انالاردىڭ ەڭبەگىن اتاپ ءوتۋ جانە لايىقتى باعالاۋ ءۇشىن مەملەكەت ولاردى «التىن القا» جانە «كۇمىس القا» القالارىمەن ناگرادتايدى جانە القا يەلەرى ءتيىستى مەملەكەتتىك جاردەماقى الادى. كوپ بالالى انالاردىڭ ۋاقىتىن ۇنەمدەۋ ماقساتىندا مينيسترلىك 2019 جىلدان باستاپ وسى جاردەماقىنى تاعايىنداۋ بويىنشا مەملەكەتتىك قىزمەتتى پرواكتيۆتى فورماتتا الۋعا مۇمكىندىك بەردى. بۇل ايەلدەردى كەزەكتە تۇرۋدان قۇتقاردى، ولار مەملەكەتتىك قىزمەتتەردى ىڭعايلى ۋاقىتتا جانە كەز كەلگەن جەردە الادى. كورسەتىلەتىن قىزمەتتى الۋشى ءبىر عانا SMS حابارلاماعا جاۋاپ بەرە وتىرىپ، جاردەماقىنى پرواكتيۆتى رەسىمدەۋگە كەلىسىم بەرەدى جانە بانك شوتىن راستايدى. مەملەكەتتىك قىزمەت كورسەتۋ ءۇشىن قاجەتتى باسقا دا مالىمەتتەر مەملەكەتتىك ورگانداردىڭ اقپاراتتىق جۇيەلەرىنەن تۇسەدى»، – دەدى ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى ەربول وسپانوۆ.
جەڭىلدەتىلگەن ءتارتىپ مەملەكەتتىك جاردەماقىنى پرواكتيۆتى فورماتتا تاعايىنداۋدى ايتارلىقتاي ارتتىرۋعا مۇمكىندىك بەردى. وسى وزگەرىستەردىڭ ارقاسىندا 2021 جىلى پرواكتيۆتى قىزمەت العان كوپ بالالى انالاردىڭ سانى ەكى ەسەدەن استام – 9 مىڭ ادامعا دەيىن ءوستى.