وزبەكستاندا سوڭعى 5،5 جىلدا 38 ەر ادام كوپ ايەل العانى ءۇشىن سوتتالدى، ونىڭ ىشىندە تورتەۋى 2023 جىلدىڭ ءبىرىنشى جارتىجىلدىعىندا سوتقا تارتىلعان، دەپ حابارلايدى Almaty-akshamy.kz Zakon.kzكە سىلتەمە جاساپ.
وزبەكستاندا 2018-2022 جىلدارى قىلمىستىق كودەكستىڭ 126-بابى (كوپ ايەل الۋ) بويىنشا 34 ەر ادام سوتتالدى، دەپ جازدى Gazeta.uz.
ال 2023 جىلدىڭ ءبىرىنشى جارتىجىلدىعىندا ءتورت ادام سوتتى بولعان.
كوپ ايەل الۋ بويىنشا ەلۋدەن جۇزگە دەيىن بازالىق ەسەپتىك مولشەردە ايىپپۇل سالۋ، نە ءۇش جىلعا دەيىنگى مەرزىمگە تۇزەۋ جۇمىستارىنا، نە ءبىر جىلدان ءۇش جىلعا دەيىنگى مەرزىمگە باس بوستاندىعىن شەكتەۋگە نەمەسە ءۇش جىلعا دەيىن باس بوستاندىعىنان ايىرۋ جازاسى قاراستىرىلعان.