2024 جىلعى 31 مامىر مەن 1 ماۋسىم ارالىعىندا الماتى قالاسى ادىلەت دەپارتامەنتى بەلگىلى كونديسيونەر ءوندىرۋشىنىڭ تاۋار بەلگىسىن زاڭسىز پايدالانا وتىرىپ، كونترافاكتىلىك ءونىمنىڭ جولىن كەسۋ بويىنشا اۋقىمدى رەيد جۇرگىزدى، دەپ حابارلايدى almaty-akshamy.kz
15 ساعاتقا سوزىلعان ارنايى وپەراسيا زارداپ شەككەن برەندتىڭ وتىنىشىنە جاۋاپ رەتىندە ۇيىمداستىرىلدى جانە تەكسەرۋدى تاعايىنداۋ تۋرالى اكت نەگىزىندە جۇزەگە اسىرىلدى.
ادىلەت دەپارتامەنتى قىزمەتكەرلەرىنىڭ ۇيلەستىرىلگەن ءىس-قيمىلدارىنىڭ ناتيجەسىندە 5 253 000 تەڭگەنى قۇرايتىن كونترافاكتىلىك ءونىم تاركىلەندى. تاركىلەنگەن ءونىمنىڭ ساپاسى ۇلكەن كۇمان تۋدىرادى جانە ونىڭ شىعۋ تەگى بەلگىسىز بولىپ قالادى. وسى فاكت بويىنشا قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 158-بابى بويىنشا اكىمشىلىك قۇقىق بۇزۋشىلىق تۋرالى حاتتاما تولتىرىلدى.
ارنايى وپەراسيا بارىسىندا ادىلەت دەپارتامەنتىنىڭ قىزمەتكەرلەرى تەكسەرىلەتىن سۋبەكتىنىڭ تاراپىنان قارسىلىق پەن كەدەرگىگە تاپ بولعانىن اتاپ وتكەن ءجون. قارسىلىق كورسەتكەن ءۇش ادامعا قاتىستى اكىمشىلىك قۇقىق بۇزۋشىلىق تۋرالى كودەكستىڭ 462-بابى بويىنشا اكىمشىلىك قۇقىق بۇزۋشىلىق تۋرالى حاتتاما جاسالدى.
قازىرگى ۋاقىتتا ءىستىڭ بارلىق ماتەريالدارى سوتقا بەرىلدى جانە كىنالىلەردى جاۋاپقا تارتۋ ءۇشىن بارلىق قاجەتتى ءىس جۇرگىزۋ ارەكەتتەرى قابىلدانۋدا.
الماتى قالاسىنىڭ ادىلەت دەپارتامەنتى تاۋار بەلگىلەرىنىڭ زاڭدى يەلەرىنىڭ قۇقىقتارىن قورعاي وتىرىپ جانە زاڭنامانىڭ ساقتالۋىن قامتاماسىز ەتە وتىرىپ، زياتكەرلىك مەنشىك سالاسىنداعى بۇزۋشىلىقتارمەن باتىل كۇرەسۋدى جالعاستىرۋدا.
قوسىمشا سۇراقتار تۋىنداعان جاعدايدا الماتى قالاسى ادىلەت دەپارتامەنتىنىڭ باسپا ءسوز قىزمەتىنە حابارلاسىڭىز +7 777 252 23 23 بەكبوتايەۆ الماس نۇرجان ۇلى.