پرەزيدەنت جانىنداعى ۇلتتىق قۇرىلتايدىڭ مۇشەسى، قازاقستان حالقى اسسامبلەياسى كەڭەسىنىڭ مۇشەسى شايماردان نۇرىموۆ قۇرىلتاي حاقىندا ءوز ويىمەن ءبولىستى.
ايتا كەتەرلىگى، وتكەن قۇرىلتايلاردىڭ قورىتىندىسى بويىنشا كونستيتۋسيالىق رەفورمالار جۇرگىزىلدى. بىرتىندەپ جاسالعان وزگەرىستەردىڭ ناتيجەسىندە حالىق بيلىككە الدەقايدا جاقىنداي ءتۇستى. بۇگىندە قازاقستاندىقتار ۇكىمەتتىڭ، جالپى مەملەكەتتىڭ جوسپارلارىن جۇزەگە اسىرۋعا اتسالىسۋدا. جۇرگىزىلىپ جاتقان رەفورمالار ولاردىڭ سۇرانىسىن ەسكەرە وتىرىپ جۇرگىزىلۋدە. سونىمەن قاتار، پرەزيدەنتتىڭ باسشىلىعىمەن ءبىز ادىلەتتى قازاقستاندى قۇرىپ جاتىرمىز. العاشىندا بيلىككە دەگەن سەنىمسىزدىك باسىم بولعان بولسا، بۇگىندە جاڭا قازاقستاندى قۇرۋ قارقىندى جۇرۋدە. سوڭعى ەكى جىلدا كوپتەگەن وڭ وزگەرىستەر بولدى. مىسالى، پارلامەنت پەن جەرگىلىكتى اۋىل اكىمدەرىنىڭ سايلاۋى ءوتتى. ەندىگى كەزەكتە اۋدان، قالا اكىمدەرىن سايلاۋ كۇتىپ تۇر. مۇنىڭ بارلىعى مەملەكەتتىڭ اشىقتىعىن جانە ازاماتتارعا ەلدى باسقارۋعا ءوز ۇلەسىن قوسۋ مۇمكىندىگىن كورسەتەتىن ەلەۋلى وزگەرىستەر.
پرەزيدەنت ءبىرىنشى قۇرىلتايدا ءاربىر ەل ازاماتى ءوز ويىن ايتا الاتىنداي Qurultay قوسىمشاسىن جاساۋ كەرەكتىگىن ايتتى. سونىڭ ناتيجەسىندە بۇگىندە جۇزدەن استام قۇرىلتاي مۇشەلەرى حالىق پەن بيلىك اراسىنداعى التىن كوپىر ىسپەتتەس. قوسىمشانى پايدالانا وتىرىپ، ءاربىر قازاقستاندىق بيلىك ورگاندارىمەن بايلانىس ورناتۋ ارقىلى ەكونوميكانى، مادەنيەتتى جانە ت.ب. دامىتۋ بويىنشا قاجەتتى ۇسىنىستارىن ورتاعا سالۋعا مۇمكىندىگى بار.
مەملەكەت باسشىسىمىز يۋنەسكو باسشىسىن قابىلداعاندا بىزدە قانداي تاريحي جانە تاريحي ارتەفاكتىلەر بار ەكەنىن ءتۇسىندىردى. ولاردىڭ كوپشىلىگى يۋنەسكو تىزىمىنە ەندى. بۇل تەك قازاقستاندا عانا ەمەس، بۇكىل ورتالىق ازيا عىلىمىنىڭ دامۋىنا سەرپىن بەردى.
تاريحي مۇرامىزدى ساقتاۋ جۇمىستارى جالعاسۋدا. مەملەكەت باسشىسىنىڭ باستاماسىمەن وتاندىق جانە حالىقارالىق 200-دەن استام عالىم جەتى تومدىق تاريحي كىتاپ ازىرلەپ جاتىر. سوندىقتان تاريح – بولاشاقتىڭ ىرگەتاسى ەكەنىن ۇمىتپاعانىمىز ءجون.