كونستيتۋسيالىق كوميسسيانىڭ بەسىنشى وتىرىسىندا ەگەمەندىكتى نىعايتۋ، تىكەلەي دەموكراتيا تەتىكتەرىن كەڭەيتۋ جانە ءداستۇرلى قۇندىلىقتاردى بەكىتۋ ماقساتىندا اتا زاڭنىڭ ءبىرقاتار ەرەجەلەرىن قايتا قاراۋ باستاماسى تالقىلاندى.
ءال-فارابي اتىنداعى قازۇۋ-دىڭ ءبىرىنشى پرورەكتورى، پروفەسسور ەركىن دۇيسەنوۆ، كونستيتۋسيا ماتىنىندە مەملەكەتتىك قۇرىلىستىڭ قازىرگى زامانعى مىندەتتەرىن ەسكەرە وتىرىپ، اتا زاڭنىڭ ەرەجەلەرىن جۇيەلى تۇردە قايتا قاراۋدى تالاپ ەتەتىن تەرمينولوگيالىق جاڭساقتىقتار مەن مەن ستيليستيكالىق بۇرمالانۋلار بار ەكەنىن اتاپ ءوتتى.
كونستيتۋسيانىڭ 3-بابى 1-تارماعىنىڭ جاڭا نۇسقاسىن بەكىتۋدى ۇسىنا وتىرىپ، «مەملەكەتتىك بيلىكتىڭ بىردەن-بىر باستاۋى جانە ەگەمەندىك يەسى — حالىق»، - دەپ اتاپ ءوتتى دۇيسەنوۆ.
ونىڭ پىكىرىنشە، مۇنداي رەداكسيا حالىقارالىق ستاندارتتارعا، اتاپ ايتقاندا، ازاماتتىق جانە ساياسي قۇقىقتار تۋرالى حالىقارالىق پاكتىنىڭ ەرەجەلەرىنە سايكەس كەلەدى جانە ءبىرقاتار دەموكراتيالىق ەلدەگى حالىق ەگەمەندىگىن بەكىتۋ تاجىريبەسىن كورسەتەدى.
ول شۆەيساريا، يرلانديا جانە يتاليانىڭ تاجىريبەسىنە سىلتەمە جاساي وتىرىپ، «جالپىحالىقتىق رەفەرەندۋم ازاماتتاردىڭ تىكەلەي ەرىك ءبىلدىرۋىنىڭ ەڭ جوعارعى نىسانى جانە ساياسي جۇيەگە دەگەن سەنىمدى نىعايتۋ ءتاسىلى بولۋى كەرەك»، - دەپ اتاپ ءوتتى.
سونىمەن قاتار دۇيسەنوۆ ءوزىنىڭ جاريالانىمدارى مەن كوپشىلىك الدىندا سويلەگەن سوزدەرىندە ءداستۇرلى قۇندىلىقتاردى ساقتاۋ ماسەلەسىن تالاي رەت كوتەرىپ، كونستيتۋسيانىڭ 27-بابىنىڭ ەر مەن ايەلدىڭ وداعى رەتىندەگى نەكە تۋرالى تۇجىرىمىن ناقتىلاۋدى ۇسىندى.
سونداي-اق سپيكەر كونستيتۋسيادا نەكەدەگى ەر مەن ايەل اراسىنداعى نورمانى بەكىتۋ وتباسى ينستيتۋتى مەن ۇلتتىق بىرەگەيلىكتى قورعاۋدى قامتاماسىز ەتەتىنىن ءتۇسىندىردى.