رۋمىنياعا جۇمىس ساپارى بارىسىندا قازاقستاندىق دەلەگاسيا حالىقارالىق اۆتوموبيل تاسىمالدارى جونىندەگى بىرلەسكەن كوميسسيانىڭ وتىرىسىنا قاتىستى
كولىك ءمينيسترى مارات قارابايەۆ باستاعان قازاقستاندىق دەلەگاسيا رۋمىنياعا ساپارى اياسىندا كونستانسا پورتىنداعى كولىك-لوگيستيكالىق بيزنەس-فورۋمعا جانە حالىقارالىق اۆتوموبيل تاسىمالدارى جونىندەگى بىرلەسكەن كوميسسيانىڭ وتىرىسىنا قاتىستى. اتالعان فورۋم اياسىندا رۋمىنيانىڭ بيزنەس وكىلدەرىمەن ۆ2ۆ فورماتىندا كەزدەسۋلەر ءوتتى، دەپ حابارلايدى اlmaty-akshamy.kz.
ءىس-شارالارعا قازاقستان تاراپىنان ۆيسە-مينيستر تالعات لاستايەۆ، تەمىرجول جانە سۋ كولىگى كوميتەتىءنىڭ ءتوراعاسى ولجاس ساپاربەكوۆ، KTZ Express اق، «اقتاۋ تەڭىز ساۋدا پورتى» ۇك، «ترانسكاسپيي حالىقارالىق كولىك مارشرۋتىنىڭ» حالىقارالىق قاۋىمداستىعى، Semurg Invest، Dar Rail جانە PTC Holding ج ش س باسشىلىعىنىڭ وكىلدەرى قاتىستى.
فورۋمدا ءسوز سويلەگەن مينيستر مارات كارىمجان ۇلى قازاقستان كولىك سالاسىن دامىتۋعا، ازيادان ەۋروپاعا بارار جولدا ترانزيتتىك تاسىمالداردىڭ جىلدامدىعى مەن ساپاسىن ارتتىرۋعا بارلىق جاعداي جاساپ جاتقانىن اتاپ ءوتتى. سونداي-اق ول بيزنەس وكىلدەرىنىڭ كەزدەسۋى قازاقستان مەن رۋمىنيا اراسىنداعى اۆتوتاسىمالدار سالاسىنا جاڭا سەرپىن بەرەدى دەگەن ءۇمىتىن ءبىلدىردى.
بۇل كۇنى قازاقستاندىق دەلەگاسيا رۋمىنيا كولىك جانە ينفراقۇرىلىم مءينيسترىنىڭ ورىنباسارى ادريان فوگيشتىڭ سۇيەمەلدەۋىمەن كونستانسا قالاسىنداعى رۋمىنياداعى ءىرى پورتتىڭ قىزمەتىمەن تانىستى.
تەڭىز-وزەن پورتىنىڭ 156 ايلاعى جانە ەكى جالپىەۋروپالىق كولىك ءدالىزىنىڭ قيىلىسىندا قولايلى گەوگرافيالىق ورنى بار. پورتتىڭ جانىندا ميديا جانە مانگاليا سىندى ەكى سپۋتنيكتىك پورت ورنالاسقان. اتالعان پورتتىڭ قۋاتى جىلىنا 100 ملن توننا جۇكءتى قۇرايدى.
كونستانسا پورتىنىڭ مۇمكىندىكتەرى مەن ارتىقشىلىقتارى ترانسكاسپيي حالىقارالىق كولىك مارشرۋتىنىڭ الەۋەتىن اشۋدا، سونداي-اق ترانزيتتىك جۇك اعىندارىنىڭ كولەمىن ءوزارا ۇلعايتۋ جانە مۋلتيمودالدى تاسىمالدار مەن لوگيستيكالىق پروسەستەر سالاسىنداعى وزىق تاجىريبەمەن الماسۋ ءۇشىن قازاقستان مەن رۋمىنيا اراسىنداعى ىنتىماقتاستىقتى ودان ءارى نىعايتۋدا ماڭىزدى ءرول اتقارا الادى.