اقتاۋ گارنيزونىنداعى تەڭىز جاياۋ اسكەرلەرى قۇراماسىنىڭ سپورت كەشەنىندە «باتىس» وڭىرلىك قولباسشىلىعى اسكەرلەرى قولباسشىسىنىڭ اۋىسپالى كۋبوگى ءۇشىن ارميالىق قويان-قولتىق ۇرىستان چەمپيونات ءوتتى.
وعان اقتاۋ، اقتوبە، ورال، اتىراۋ جانە بەينەۋ گارنيزوندارىنان 9 سالماق دارەجەسىندە ب ا ق سىناسقان 90-عا جۋىق اسكەري قىزمەتشى قاتىستى، دەپ حابارلايدى اlmaty-akshamy.kz.
چەمپيونات قورىتىندىسىن تەڭىز جاياۋ اسكەرلەرى قۇراماسىنىڭ شتاب باستىعى مايور ساپارالى قازاقبايەۆ شىعاردى.
– ارميالىق قويان-قولتىق ۇرىس – قارۋلى كۇشتەردەگى ەڭ تانىمال سپورت ءتۇرى عانا ەمەس، سونىمەن قاتار اسكەري قىزمەتشىلەر ءۇشىن جاۋىنگەرلىك داعدىلارىن ارتتىرۋدىڭ، دەنە شىنىقتىرۋدى جەتىلدىرۋدىڭ، مورالدىق-پسيحولوگيالىق تۇراقتىلىقتى نىعايتۋدىڭ ءتيىمدى قۇرالى. جارىسقا قاتىسۋشىلار جەكپە-جەكتىڭ ۇزدىك تەحنيكاسى مەن دايىندىقتىڭ جوعارى دەڭگەيىن كورسەتە ءبىلدى، – دەپ اتاپ ءوتتى ول.
ارميالىق قويان-قولتىق ۇرىستان جالپى كوماندالىق ەسەپتە تەڭىز جاياۋ اسكەرلەرى قۇراماسىنىڭ گۆارديا مايورى مەرەي مۇقاتايەۆ باسقارعان قۇراما كومانداسى جەڭىمپاز اتاندى. ءۇش بىردەي التىن مەدالدى جەڭىپ العان ولار «باتىس» وڭىرلىك قولباسشىلىعى اسكەرلەرى قولباسشىسىنىڭ اۋىسپالى كۋبوگىن يەلەندى. ءوز سالماق دارەجەلەرىندە مەرزىمدى قىزمەتتىڭ اسكەري قىزمەتشىلەرى قاتارداعى جاۋىنگەرلەر بەكسۇلتان ەستەعۇل مەن دەنيس باليۋكتىڭ جەڭىمپازدار قاتارىنان كورىنگەنىن دە ايتا كەتۋ كەرەك.
تورەشىلەردىڭ شەشىمىمەن جۇلدەلى ەكىنشى ورىن 41433 اسكەري ءبولىمىنىڭ كومانداسىنا بۇيىرسا، 30238 اسكەري ءبولىمىنىڭ سپورتشىلارى ءۇشىنشى ورىندى مىسە تۇتتى.
چەمپيونات جەڭىمپازدارى مەن جۇلدەگەرلەرى گراموتالارمەن جانە باعالى سىيلىقتارمەن ماراپاتتالدى.