2-8 ماۋسىم ارالىعىندا قالادا قانداي ءىس-شارالار وتەدى؟ قايدا بارىپ دەمالۋعا بولادى؟ تولىعىراق aqshamnews.kz ماتەريالىندا.
كونسەرتتەر
3 ماۋسىمدا قازاقستاندىق ALPHA’ توبى Love&Peace-تەرمەن (تىڭدارماندارى - ەسك.) كەزدەسىپ، فان كەزدەسۋ ۇيىمداستىرادى. سونداي-اق، جاڭا "Tiki Taka" ءانى ورىندالادى.
بيلەتتەر مىنا جەردە.
الەۋمەتتىك جەلىدەن
4 ماۋسىمدا رەسەيلىك ءانشى سەرگەي لازاريەۆ الماتىدا "يا نە بويۋس" اتتى كونسەرتپەن ونەر كورسەتەدى. تانىمال رەسەيلىك ءانشى، Smash توبىنىڭ بۇرىنعى ءسوليسى، تەاتر اكتەرى جانە تەلەجۇرگىزۋشى ۇزدىك حيتتەرىن جاندى داۋىستا ورىندايدى.
بيلەتتەر مىنا جەردە.
sergeylazarev.ru
"كوك اسپان"، "بەگىماي" سىندى حيتتەردىڭ ورىنداۋشىسى، ORDA توبىنىڭ ءسوليسى داستان ورازبەكوۆ 7 ماۋسىمدا جەكە كەشىن بەرمەك.
كەش وركەستردىڭ سۇيەمەلدەۋىمەن وتەدى، ال ونىڭ قوناقتارى — 91 توبىنىڭ سوليستەرى Alem پەن Ace جانە ORDA توبى.
بيلەتتەر مىنا جەردە.
8 ماۋسىمدا كامەرالىق انسامبل تانىمال يتاليالىق كومپوزيتور Ludovico Einaudiء-دىڭ ەڭ ۇزدىك شىعارمالارىن ورىندايدى.
ليۋدوۆيكو ەيناۋدي - يتاليالىق كومپوزيتور، نەوكلاسسيكالىق مۋزىكانىڭ جارقىن وكىلى. 1+1: نەپريكاساەمىە، كوشپەندىلەر جەرى، قارا اققۋ جانە ت.ب. فيلمدەردىڭ كومپوزيتورى.
بيلەتتەر مىنا جەردە.
تەاتر
عابيت مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىندا:
- 3 ماۋسىمدا "سەنى سۇيەم"
- 4 ماۋسىمدا "اپكە"
- 5 ماۋسىمدا "قىزىل ورامالدى شىنارىم"
- 6 ماۋسىمدا "جۋسان ءيىسى"
- 7 ماۋسىمدا "تويى كوپ ءۇي"
- 8 ماۋسىمدا "№13" سپەكتاكلدەرى قويىلادى.
بالالارعا ارنالعان 3 جانە 4 ماۋسىمدا "سيقىرلى تەرەزە"، 7 ماۋسىمدا "كىشكەنتاي حانزادانىڭ ورالۋى" قويىلىمى كورسەتىلەدى.
ال 3 ماۋسىمدا مۇحتار اۋەزوۆ اتىنداعى قازاق ۇلتتىق دراما تەاترىنىڭ رەپەرتۋارىنداعى "قوشتاسقىم كەلمەيدى" قويىلىمى لەرمونتوۆ اتىنداعى ۇلتتىق ورىس دراما تەاترىندا ساحنالانادى.
كينو
الماتىدا 2-8 ماۋسىم ارالىعىندا قىدىراتىن ورىنداردان بولەك، "وستروۆ. ۇمىتىلماس ساياحات"، "كاراتە-پاسان: لەگەندى" سەكىلدى فيلمدەردى، سونداي-اق، ديماش قۇدايبەرگەننىڭ "Stranger" كونسەرتىن دە تاماشالاۋعا بولادى.
بۇدان باسقا
بۇل اپتادا ءتۇرلى تۋرلارعا، ستەند-اپ پەن ماستەر-كلاستارعا بارۋعا بولادى.
بيلەتتەر مىنا جەردە.