الماتىدا ماۋسىمنىڭ باسىنان باستاپ حقكو مەن ارنايى حقكو-لاردا وزگەرىستەر بولادى، دەپ حابارلايدى aqshamnews.kz "ازاماتتارعا ارنالعان ۇكىمەت" فيليالىنا سىلتەمە جاساپ.
ولار 20:00-گە دەيىن جانە سەنبى كۇندەرى جۇمىس ىستەيدى. مالىمەتكە سايكەس، كەزەكشىلىك كەستە بويىنشا كەلەسى مەكەنجايلارداعى حقكو-لار جۇمىس ىستەيدى:
اۋەزوۆ اۋدانى ءبولىمى – جاندوسوۆ كوشەسى، 51؛
ناۋرىزباي اۋدانى ءبولىمى – شۇعىلا شاعىناۋدانى، 347/1؛
تۇركسىب اۋدانى ءبولىمى – ريحارد زورگە كوشەسى، 9.
سونىمەن قاتار، ازاماتتاردى ەكى كەزەكشى مامانداندىرىلعان حقكو قابىلدايدى:
سايالى شاعىناۋدانى – اققاينار كوشەسى، 1؛
كەمەل شاعىناۋدانى – اقسۋات كوشەسى، 118.
كەزەكشى حقكو-لار جۇمىس كۇندەرى 9:00-دەن 20:00-گە دەيىن، سەنبى كۇنى 9:00-دەن 13:00-كە دەيىن جۇمىس ىستەيدى.
"كەزەكشى مامانداندىرىلعان حقكو-لار جۇمىس كۇندەرى وتىنىشتەردى 09:00-دەن 18:00-گە دەيىن قابىلدايدى، دايىن قۇجاتتار 20:00-گە دەيىن بەرىلەدى. سەنبى كۇندەرى وتىنىشتەر 09:00-دەن 12:00-گە دەيىن قابىلدانىپ، دايىن قۇجاتتار 13:00-كە دەيىن بەرىلەدى"، – دەلىنگەن حابارلامادا.
سونىمەن قاتار، قالعان بارلىق حقكو جانە ارنايى حقكو-لار ستاندارتتى كەستە بويىنشا جۇمىس ىستەيدى: دۇيسەنبىدەن جۇماعا دەيىن، 9:00-دەن 18:00-گە دەيىن، سەنبى – دەمالىس كۇنى.
"ءبىرقاتار مەملەكەتتىك قىزمەتتەردى ونلاين تۇردە دە الۋعا بولادى – ەلەكتروندىق ۇكىمەت پورتالى، "سون" ءموبيلدى قوسىمشاسى جانە ەكىنشى دەڭگەيلى بانكتەردىڭ قوسىمشالارى ارقىلى"، – دەپ ناقتىلادى حابارلامادا.