كوڭىلىڭىز تۇسپەسىن!

جادىراۋدى - جان سۇيەدى!

اۆستراليالىق دارىگەر ءھام پسيحولوگ زيگمۋند فرەيد ادام جانىنا قاتىستى ءبىرقاتار ىرگەلى ويلار ايتقان. عالىم «ادامدارمەن قانداي قارىم-قاتىناس قۇرۋدى ءوزىڭ عانا ءبىل. ويتكەنى، وزگەگە سەن قالاي قاراساڭ، ولاردا سولاي قارايدى دەۋ بوس ءسوز» دەپتى. راسىندا كوڭىلىمىز قىلتىلداپ تۇرادى. ونىڭ ءبىرقاتار سەبەبى بار. باستىسى تۇرمىس، ۋاقىتتىڭ جەتپەۋى، قارجىلىق قىسپاق. وسى اتالعانداردىڭ ءاربىرى كەلىپ تىرەلگەندە، ادام اۆتوماتتى تۇردە باسقا كۇيگە تۇسەدى. وسىنى ساراپتاي كەلە ءبىرقاتار ويلاردى ورتاعا سالۋدى ءجون كوردىك.

ءپوزيتيۆتى ويلاۋ. ءاربىرىمىز ومىرگە ءبىر-اق رەت كەلەمىز. ەكىنشى مۇمكىندىكتىڭ بولمايتىنى انىق. ەندەشە وسى ومىردە ويناپ-كۇلىپ، جادىراپ جۇرگەنگە نە جەتسىن؟! ەشبىر نارسەنى كوڭىلگە الماي ۇيرەنگەن ابزال. ەل اراسىندا «يت ۇرەدى، كەرۋەن كوشەدى» دەيدى. تەرەڭ ماعىناعا تولى ءسوز دەپ بىلەمىز. ال قارجىلىق، ءجاي ءبىر تۇرمىستىق جانجالداردى ۇلعايتۋدىڭ قاجەتى جوق. ونىڭ دا شەشىمى بار. شەشىلمەيتىن ءتۇيىن بولمايدى. سوندىقتان بەس كۇن دۇنيەدە سىيلاسىپ جۇرگەنگە ەشتەمە جەتپەيدى. جەتكەندە ەمەس. مەيىلىنشە اقجارقىن كوڭىل-كۇيدى قالىپتاستىرىڭىز.

ءتۇيىن. قازاق جۇرتى «ورالىڭنىڭ بارىندا وينادا كۇل» دەپ تەرەڭ ماعىنالى وي تاستاپتى. جوعارىداعى پىكىرلەردى توپتاعاندا وسىعان سايادى. ءاربىر جاننىڭ جادىراپ، جايناپ ءجۇرۋى تەك وزىنە عانا بايلانىستى.