الماتىلىقتار زاڭگەرگە سەنىپ، الدانىپ قالدى

ول قاماۋعا الىندى. ونىڭ ۇستىنەن ءۇش ادام ارىز جازعان.

پايىزسىز نەسيە الىپ بەرۋگە ۋادە ەتكەن زاڭگەر الماتىلىقتاردى الداپ كەتتى، دەپ حابارلايدى Almaty-akshamy.kz رolisia.kz سايتىنا سىلتەمە جاساپ.

29 جاستاعى ت.ەسىمدى ازامات زاڭگەرلىك كەڭسەدە زاڭگەر رەتىندە ينتەرنەتتە ازاماتتارعا ەكىنشى دەڭگەيلى بانكتەر ارقىلى پايىزسىز نەسيە الۋعا كومەكتەسەمىن دەپ ءوز قىزمەتىن ۇسىنعان.

«تەرگەۋ بارىسىندا ونىڭ پايداكۇنەمدىك ماقساتتا ينتەرنەتتە پايىزسىز نەسيە الۋعا كومەكتەسەتىنى تۋرالى جالعان حابارلاندىرۋلار جاريالاعانى انىقتالدى. ءتىپتى ناشار نەسيە تاريحى بار ادامدارعا دا كومەكتەسپەك بولعان. قارىز الۋشىلارمەن كەلىسسوزدەر تەك WhatsApp مەسسەندجەرى ارقىلى عانا جۇرگىزىلدى. ەر ادام ەلەكتروندىق اۋدارىم ارقىلى قىزمەت اقىسىن العان، سودان كەيىن ول حابارلاندىرۋدى الىپ تاستاپ، ۇيالى تەلەفوندى ءوشىرىپ تاستاعان»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.

ۇستالعان ازاماتقا قاتىستى ق ر قك-نىڭ 190-بابى (الاياقتىق) بويىنشا سوتقا دەيىنگى تەرگەۋ امالدارى جۇرگىزىلۋدە.