قازاقستاندىقتار ءبىر-اق ساتتە كومپانيالاردا قارجى پيراميداسىنىڭ بەلگىلەرىنىڭ بار-جوعىن تەكسەرە الادى.
قارجىلىق مونيتورينگ اگەنتتىگى ازىرلەگەن Telegram مەسسەندجەرىندەگى بوت ازاماتتارعا قارجىلىق پيراميدالارعا تارتاتىن الاياقتاردىڭ ارەكەتتەرىنەن قورعانۋعا كومەكتەسەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«پايدالانۋشىعا كومپانيانىڭ/ۇيىمنىڭ سايتىنا، Instagram پاراقشاسىنا، Vkontakte توبىنا نەمەسە Telegram ارناسىنا https://internet.zzz (com، ru، kz جانە ت.ب.) نەمەسە ينتەرنەت.zzz (com، ru، kz جانە ت.ب.) فورماتتا سىلتەمە ەنگىزۋ جەتكىلىكتى. سونىمەن قاتار، سىزگە تابىس ۇسىناتىن كومپانيانىڭ بسن ارقىلى تەكسەرۋگە بولادى. ىسكە قوسۋدىڭ ءبىرىنشى كەزەڭىندە Telegram مەسسەندجەرىندە ءبىر اككاۋنتتان تاۋلىگىنە 5 رەتتەن كوپ سۇراۋ جىبەرۋ مۇمكىن ەمەس»، - دەپ جازدى اگەنتتىكتەن.
2022 جىلى قما قارجى پيراميدالارىن ۇيىمداستىرۋ فاكتىسى بويىنشا 85 قىلمىستىق ءىستى اياقتادى. بيىل 29 قارجى پيراميداسى جويىلدى. 15 ءىس بويىنشا ۇكىم شىعارىلىپ، 23 ادام سوتتالدى.
قما قارجى پيراميدالارىنا تارتاتىن الاياقتارمەن بەلسەندى كۇرەستى جالعاستىرۋدا. وسىعان وراي ازاماتتاردى قىراعى بولۋعا جانە ءوز جيناقتارىن كۇماندى قارجى ۇيىمدارىنا سالماۋعا شاقىرادى.