كوممۋنالدىق سالا قىزمەتكەرلەرىنىڭ جالاقىسى كوتەرىلەدى

 جالاقى "ءتاريفتى ينۆەستيسياعا ايىرباستاۋ" باعدارلاماسى نەگىزىندە كوتەرىلەدى.

بۇل تۋرالى ۇلتتىق ەكونوميكا ءمينيسترى الىبەك قۋانتىروۆ ايتتى، دەپ حابارلايدى Almaty-akshamy.kz.

Astanatv.kz اقپاراتىنشا، ۇلتتىق ەكونوميكا ءمينيسترى الىبەك قۋانتىروۆ ۇكىمەت وتىرىسىنداعى بايانداماسىندا قازاقستاندىقتاردى سۋ، جىلۋ، ەلەكتر ەنەرگياسىمەن قامتاماسىز ەتۋ ءتۇرعىن-ۇي كوممۋنالدىق جاعدايدىڭ جاي-كۇيىن تولىعىمەن جاڭارتۋ كەرەكتىگىن اتاپ ءوتتى.

"وسىلايشا، ورتاشا جالاقى سالا مەن وڭىرگە بايلانىستى 135 مىڭ تەڭگەدەن 200-300 مىڭ تەڭگەگە دەيىن وسەدى. بۇل تۇرعىن ۇي-كوممۋنالدىق شارۋاشىلىق سالاسىنداعى 200 مىڭعا جۋىق جۇمىسشىعا اسەر ەتەدى"، - دەدى قۋانتىروۆ ۇكىمەت وتىرىسىندا.  

ونىڭ ايتۋىنشا، كوممۋنالدىق كاسىپورىندار قىزمەتىنىڭ تيىمدىلىگىن ارتتىرۋ ءۇشىن "تابيعي مونوپوليالار تۋرالى" زاڭنىڭ 22-بابىنا وزگەرىستەر ەنگىزىلىپ، كوممۋنالدىق سالا قىزمەتكەرلەرىنىڭ، ياعني سانتەحنيك، ەلەكتريك، دانەكەرۋشىلەردىڭ جالاقىسىن 50 پايىزدان 100 پايىزعا دەيىن كوتەرۋ جوسپارلانعان.

"2023-2029 جىلدارعا 62 مىڭ كم ينجەنەرلىك جەلىلەردى جاڭعىرتۋ ءۇشىن شامامەن 3 ترلن تەڭگە ينۆەستيسيا تارتۋ كوزدەلىپ وتىر. 2029 جىلدارعا قاراي جەلىلەردىڭ توزۋىن 20 پايىزعا تومەندەتۋگە مۇمكىندىك بەرەدى"، - دەدى مينيستر.