دەنساۋلىق ساقتاۋ ءمينيسترى اجار عينيات ۇكىمەت وتىرىسىنىڭ كۋلۋارىندا الماتىداعى ايتۆ جۇقتىرۋ جاعدايى تۋرالى ايتتى.
اجار عينيات كوميسسيا كەلەسى اپتادا الماتىدا ەمحاناداعى ايتۆ جۇقتىرۋ فاكتىسى بويىنشا جۇمىسىن اياقتايتىنىن ايتتى، دەپ حابارلايدى Almaty-akshamy.kz Zakon.kz-كە سىلتەمە جاساپ.
«ءبىز ءبارىن انىقتايمىز. ءقازىر ولار جۇمىس ىستەپ جاتىر. الدىن الا قورىتىندى بۇل، بىلەسىزدەر، وتە ماڭىزدى ماسەلە. سوندىقتان كوميسسيا جۇمىستى اياقتاپ، تولىق انىقتاما دايىنداپ، ءتيىستى قۇجاتتى بەرەدى. قورىتىندى اكىمدىك پەن دەنساۋلىق ساقتاۋ مينيسترلىگىنە رەسمي تۇردە تاپسىرىلادى»، - دەدى مينيستر.
اجار عينيات ايتۆ جۇقتىرعان ناۋقاستارمەن كەزدەسپەگەنىن ايتتى.
«كوميسسيا (تەرگەۋ) جۇرگىزىلىپ جاتىر. ەلدە دارىگەرلىك قۇپيا تۋرالى زاڭ بار. ونداي ناۋقاستارمەن كەزدەسكىسى كەلەتىن ادامداردىڭ ءبارى كەزدەسۋ قۇقىعىنا يە ەمەس. زاڭ ونداي ناۋقاستاردى قورعايدى، سوندىقتان ءقازىر بارلىعى ءتيىستى شارالار اياسىندا جۇرگىزىلىپ جاتىر. ونى بىلۋگە قۇقىعىم جوق. مەديسينالىق قۇپيا بار. كەزدەسۋ تەك ناۋقاستاردىڭ كەلىسىمىمەن بولادى. ولاردىڭ كەزدەسكىسى جوق»، - دەپ ءتۇسىندىردى اجار عينيات.
14 ماۋسىمدا الماتىنىڭ ورتالىق قالالىق كلينيكالىق اۋرۋحاناسىندا ايتۆ ينفەكسياسىنىڭ ءۇش جاعدايى انىقتالدى.