16 اقپاندا ساعات 07:30-دان باستاپ الماتى قالاسىندا الدىمەن قار جاۋىپ، ونىڭ ارتى قارعا ۇلاستى. ساعات 12:00-دەگى جاعداي بويىنشا قالاعا 7 سم قار جاۋدى، دەپ حابارلايدى almaty-akshamy.kz الماتى قالاسى كوممۋنالدىق ينفراقۇرىلىمدى دامىتۋ باسقارماسىنا سىلتەمە جاساپ.
قار تازالاۋ ءۇشىن 483 بىرلىك ارنايى تەحنيكا مەن 1180 جول جۇمىسشىسى جۇمىلدىرىلدى. 176 قۇم تاراتقىشتىڭ كۇشىمەن كوكتايعاققا قارسى ماتەريالدار (كقم) سەبىلەدى. ساعات 12:00-دەگى جاعداي بويىنشا 1120 توننا كقم پايدالانىلدى.
ساعات 12:00-دەن باستاپ جول پوليسياسىنىڭ پاترۋلدىك ماشينالارىنىڭ سۇيەمەلدەۋىمەن 11 كولوننانىڭ كۇشىمەن قاردى تازارتۋ ۇيىمداستىرىلدى. تروتۋارلاردى قاردان تازارتۋعا 174 شاعىن گاباريتتى تەحنيكا جۇمىلدىرىلعان. ولار تروتۋارلاردى، جالپى پايدالانۋ ورىندارىن جانە الەۋمەتتىك ماڭىزى بار وبەكتىلەرگە كىرەبەرىستەردى قاردان تازارتۋدا.
قوعامدىق كولىك ايالدامالارى مەن جەر ءۇستى جاياۋ جۇرگىنشىلەر وتكەلدەرى قولمەن تازارتىلۋدا. اۋدان اكىمدىكتەرىندە جۇمىس ءوندىرىسىن باقىلاۋ بويىنشا تاۋلىك بويى كەزەكشىلىك ۇيىمداستىرىلدى.
