قازاقستاندا ءبىرىڭعاي ۋاقىت بەلدەۋىنە كوشۋگە بايلانىستى Air Astana رەيستەر كەستەcىنە وزگەرىستەر ەنگىزدى، دەپ حابارلايدى Almaty-akshamy.kz
Air Astana اۋەكومپانياسى 2024 جىلعى 1 ناۋرىزدان باستاپ قازاقستاننىڭ ءبىرىڭعاي ۋاقىت بەلدەۋىنە كوشۋىنە بايلانىستى رەيستەر كەستەسىن وزگەرتتى. وزگەرىستەر 1-31 ناۋرىز ارالىعىندا الماتى، استانا، شىمكەنت، وسكەمەن جانە قوستاناي باعىتتارى بويىنشا جوسپارلانعان باعىتتارعا قاتىستى. رەيستەرى وزگەرىسكە ۇشىرايتىن جولاۋشىلارعا وزگەرتىلگەن ۇشۋ ۋاقىتى تۋرالى SMS-حابارلامالار مەن برونداۋ كەزىندە قالدىرعان ەلەكتروندىق پوشتالارىنا حاتتار جىبەرىلەدى.
ءساۋىر مەن قازان ايلارى ارالىعىنداعى رەيستەردىڭ كەستەسى 1 ناۋرىزدا اۆتوماتتى تۇردە وزگەرتىلەدى جانە بۇل تۋرالى دا جولاۋشىلار حاباردار ەتىلەدى.
Air Astana اۋەكومپانيانىڭ رەسمي سايتىندا نەمەسە قوسىمشاسىندا رەيستىڭ اعىمداعى مارتەبەسىن تەكسەرۋدى ۇسىنادى. اۆيابيلەتتى اۋىستىرۋ نەمەسە قايتارۋ ءۇشىن (تاريف ەرەجەلەرىنە سايكەس) ساتىپ العان جەرى بويىنشا حابارلاسۋ قاجەت.