الماتى قالاسى جاستار ساياساتى باسقارماسىنىڭ قولداۋىمەن، جاستارعا تاماقتانۋ، دەمالىس ورتالىقتارىنا جەڭىلدىكتەر ۇسىناتىن «Activity BOOM» جوباسى جۇمىسىن جالعاستىرۋدا، دەپ حابارلايدى aqshamnews.kz
ارنايى ازىرلەنگەن ديسكونتتىق كارتا قالا جاستارى ءۇشىن قوعامدىق كولىك، مەيرامحانالار، كيىم دۇكەندەرى، سۇلۋلىق سالونى، ساپالى تاۋ شاڭعى جابدىقتارىن جالعا ۇسىناتىن دۇكەندەر جەلىسىنە جەڭىلدىكتەر ۇسىنادى. بۇل كارتانى الۋ ءۇشىن تەك كوميۋنيتي ورتالىقتارىنىڭ رەزيدەنتى بولۋ جەتكىلىكتى. كارتانى Jas.Almaty پلاتفورماسىنا تىركەپ، جەڭىلدىكتەردى QR كود ارقىلى وڭاي پايدالانۋعا بولادى. اتالمىش كارتانى بولىپ العان ستۋدەنتتەر ءوز اسەرلەرىمەن ءبولىستى.
«مەن «Activity BOOM» كارتاسىن جەتىسۋ اۋدانىنداعى كوميۋنيتي ورتالىقتان الدىم. ءبىز دوستارىمىزبەن تاۋعا ءجيى شىعامىز. تاۋعا شىعاتىن كەرەك جاراقتى جالعا بەرەتىن دۇكەننىڭ بار بولعانى ءبىز ءۇشىنى كەرەمەت جاڭالىق بولدى. دوستارىم دا وسىنداي كارتا العىسى كەلەدى!»، - دەدى قالامىزدىڭ ستۋدەنتتەرىنىڭ ءبىرى سۇلتان ەدىگەيەۆ.
قازىرگى تاڭدا «Activity BOOM» 30-دان استام سەرىكتەسپەن جۇمىس ىستەيدى. ولاردىڭ اراسىندا «FOOTLAB» فۋتبول ورتالىعى، «Tobe» تاۋ شاڭعى جابدىقتارىن جالعا الۋ ورتالىعى، Almaty OWL COFFEE، «Maestro» كيىم دۇكەنى، Weekend lounge، «Aeka posh» سۇلۋلىق سالونى، «Puff n Play» جانە «Z CLUB» ويىن كلۋبتارى جانە ت.ب بار. سەرىكتەستەردىڭ تولىق ءتىزىمى مەن جەڭىلدىك پايىزىن JasAlmaty.kz سايتىنىڭ ءموبيلدى نۇسقاسىنان كورە الاسىزدار.
جاستار ساياساتى باسقارماسىنىڭ مالىمەتىنشە 2025 جىلدىڭ سوڭىنا دەيىن 50 000-نان استام جاس الماتىلىق اتالمىش كارتاعا يە بولادى.