استانادا باسىنا كونديسيونەر قۇلاپ، قازا تاپقان فەلدشەر ۇلدانا مىرزۋاننىڭ كۇيەۋى العاش رەت سۇحبات بەرىپ، سول كۇندەرى باستان وتكەرگەن قيىن ساتتەرىن ەسكە الدى، دەپ حابارلايدى aqshamnews.kz ءتىلشىسى Politico.kz-كە سىلتەمە جاساپ.
ونىڭ ايتۋىنشا، مارقۇم جانساقتاۋ بولىمىندە جاتقان كەزدە ءومىر بەلگىسىنە ۇقساس رەاكسيالار كورسەتكەن.
"قالاي ايتسام ەكەن؟! وعان دەيىن، ارينە، بەلگىلەر بولدى. مەن ونىڭ قولىن ۇستاعان كەزدە رەاكسيا كورسەتەتىن. ال جانىندا وتىرىپ قۇران وقىعانىمدا ول جىلادى. مەن ونىڭ كوز جاسىن ءسۇرتتىم. مۇنىڭ بارلىعى ول كومادا جاتقاندا بولدى"، – دەپ باياندادى.
ول دارىگەر رەتىندە ايەلىنىڭ جاعدايىندا اياققا تۇرۋىنا ءۇمىت وتە از بولعانىن بىلگەنىن دە جاسىرمادى. مارقۇمنىڭ كۇيەۋى سول ساتتەردى ۇلكەن وكىنىش جانە اۋىر قايعىمەن ەسكە الىپ، بۇل وقيعانىڭ وتباسى ءۇشىن ورنى تولماس قازا بولعانىن ايتتى.