وڭىرلىك كوممۋنيكاسيالار قىزمەتى الاڭىندا «داعدارىس ورتالىقتارىنىڭ وداعى» زاڭدى تۇلعالار بىرلەستىگىنىڭ باسقارما باسشىسى زۋلفيا بايساقوۆا ۇيىمنىڭ 2025 جىلدىڭ باسىنان بەرگى جۇمىسىنىڭ قورىتىندىسىن ۇسىندى. بريفينگ 25 قاراشادا اتاپ وتەتىن ايەلدەرگە قاتىستى زورلىق-زومبىلىققا قارسى حالىقارالىق كۇنگە وراي ۇيىمداستىرىلىپ وتىر، - دەپ حابارلايدى aqshamnews.kz.
رەسپۋبليكالىق اكسيا اياسىندا قوعامنىڭ ءبىلىمىن ارتتىرىپ، تۇيىتكىلدى تالقىلاپ، ونى شەشۋ جولىن ىزدەۋگە باعىتتالعان تاقىرىپتىق ءىس-شارالار وتكىزىلىپ جاتىر. بۇعان دەيىن قازاقستان، وزبەكستان، قىرعىزستان مەن تاجىكستاننان كەلگەن 110 مامان قاتىسقان ورتالىق ازيا حالىقارالىق كونفەرەنسياسى وتكەن. ساراپشىلار وزەكتى ماسەلەلەردى تالقىلاپ، زورلىق كورگەندەردى قولداپ، ونىڭ الدىن الۋعا بايلانىستى تاجىريبە الماستى.
ستالكينگ ماسەلەسىنە ارنالعان ساراپشىلار قاتىساتىن كەڭەيتىلگەن سۇقبات الاڭى مەن داعدارىس ورتالىعىندا دوڭگەلەك ۇستەل وتكىزۋ دە جوسپاردا تۇر.
زۋلفيا بايساقوۆانىڭ ايتۋىنشا، وتكەن جىلمەن سالىستىرعاندا تۇرمىستىق زورلىق-زومبىلىق دەڭگەيى بيىل ءبىرقالىپتى بولىپ قالىپ وتىر.
«ايەلدەر جاعى قايدان كومەك سۇراۋعا بولاتىنى تۋرالى اقپاراتتى كوبىرەك الىپ، قولداعى بار قۇرالداردى ءجيى پايدالانا باستادى»، - دەپ اتاپ ءوتتى ول.
ساراپشىنىڭ ايتۋىنشا، داعدارىس ورتالىقتارى ءوز قىزمەتىن كەڭەيتىپ، پانالاتۋدىڭ ورنىنا كومەكتىڭ باسقا دا بالاما ءتۇرى مەن الەۋمەتتىك دەمەۋ كورسەتۋدى دامىتىپ جاتىر. بۇل اسىرەسە اۋىلدىق جەردەگى ايەلدەرگە كەرەك، ويتكەنى ولار ءۇيى مەن شارۋاسىنا الاڭداعاندى قويىپ، بالالارىنا دا قارايلاپ، سونىمەن بىرگە مامانداردىڭ قاجەتتى قولداۋىن دا الىپ وتىرادى.
«جان-سايا» داعدارىس ورتالىعىنىڭ زاڭگەرى گۇلشارا ساپاروۆانىڭ ايتۋىنەشا، پسيحولوگتار زارداپ شەككەندەردىڭ كوڭىلىن ورنىنا تۇسىرۋگە كومەكتەسىپ، زاڭگەرلەر قۇجاتتارىن قالپىنا كەلتىرىپ، تولەمدەرىن راسىمدەپ، قۇقىقتاردى تۇسىندىرۋگە قولداۋ كورسەتەدى. قازىرگى ۋاقىتتا الماتىداعى داعدارىس ورتالىقتارى مىنىنداي قىزمەتتەر كورسەتكەن:
• باسپانا قىزمەتىن 445 ادام الدى (150 ايەل، 295 بالا)
• پسيحولوگتىڭ كەڭەسىن – 1001 ادام (722 ايەل، 279 بالا)
• زاڭگەر كەڭەسىن – 223 ادام 811 سۇراق بويىنشا
• جۇمىسپەن قامتىلعاندار – 53 ادام
• وتباسىمەن قايتا قوسىلعاندار – 67 وتباسى
• باستاپقى كاسىبي داعدىلار كۋرسىنان وتكەندەر – 6 ادام
• جالدامالى تۇرعىن ۇيگە شىققاندار – 42
• جاردەماقى رەسىمدەلگەن – 5
• قۇجاتتارى قالپىنا كەلتىرىلگەن – 7
• تۇرعىلىقتى جەرى بويىنشا تىركەلگەن – 1
• باسقا ورتالىقتارعا باعىتتالعاندار – 13
2017 جىلى داعدارىس ورتالىعى قۇرىلعالى بەرى ونىڭ قىزمەتىن 11 615 ادام پايدالانعان. ونىڭ ىشىندە باسپانا قىزمەتىن – 3346 ادام،
• پسيحولوگ كومەگىن – 5558 ادام
• زاڭگەر كومەگىن – 1823 ادام
• جۇمىسپەن قامتۋعا جاردەمدەسۋ – 652 ادام
• وتباسىمەن قايتا قوسىلعاندار – 416 وتباسى
• باستاپقى كاسىبي داعدىلار كۋرسىنان وتكەندەر – 467 ادام
• جالدامالى تۇرعىن ۇيدە ءوز بەتىنشە تۇرىپ جاتقان وتباسى – 606
داعدارىس ورتالىعىنىڭ سايتىنا 818 ادام كەڭەس الۋ ءۇشىن جۇگىنگەن.
ساراپشىلاردىڭ ايتۋىنشا، زاڭناماداعى وزگەرىستەر قوعامدىق جاۋاپكەرشىلىكتى ارتتىرىپ، الماتى مەن باسقا وڭىرلەردىڭ تۇرعىندارى تۇرمىستىق زورلىق-زومبىلىق كورگەنى تۋرالى ءجيى حابارلاي باستاعان.
زۋلفيا بايساقوۆا زاڭنامانى جەتىلدىرۋدى جالعاستىرىپ، الەۋمەتتىك قىزمەتتەردىڭ مۇمكىندىگىن كەڭەيتۋ قيىن جاعدايعا تاپ بولعان ايەلدەردى بۇدان دا تيىمدىرەك قولداۋعا مۇمكىندىك بەرەتىنىن اتاپ ءوتتى.