«كولساي كولدەرى» ۇلتتىق ساياباعىندا سيرەك كەزدەسەتىن قار بارىسى بەينەتۇزاققا ءتۇسىپ قالدى، دەپ حابارلايدى Almaty-akshamy.kz Egemen.kz-كە سىلتەمە جاساپ.
ساياباق اكىمشىلىگىنىڭ اقپاراتى بويىنشا، ونىڭ اۋماعىندا تەك 16 قار بارىسى بار. جانۋارلار سانى تۇراقتى.
«قار بارىسىنىڭ ۇرعاشىسى جانە ونىڭ ءبىر جاسار الانى «كولساي كولدەرى» ۇلتتىق تابيعي پاركىنىڭ بەينەتۇزاعىنا ءىلىندى. «قىزىل كىتاپقا» ەنگەن جانۋار بۇعان دەيىن دە فوتوقاقپانعا بىرنەشە رەت تۇسكەن بولاتىن»، - دەلىنگەن ورمان شارۋاشىلىعى جانە جانۋارلار دۇنيەسى كوميتەتىنىڭ حابارلاماسىندا.
قار بارىسى (Uncia uncia Schreber، 1775) قازاقستاننىڭ قىزىل كىتابىنا ەنگىزىلگەن. ءبىزدىڭ ەلدە 120-130 باسى بار، الەمدە ونىڭ سانى جەتى مىڭنان اسپايدى. جىرتقىشتىڭ سانىن ەسەپكە الۋ مەن باقىلاۋدىڭ زاماناۋي ادىستەرىنىڭ ءبىرى - فوتوقاقپان قولدانۋ. قازاقستان ۇلتتىق پاركتەرىندە 150-دەن اسا فوتوقاقپان قۇرىلعان.