قارجى نارىعىن رەتتەۋ جانە دامىتۋ اگەنتتىگى بانك، كوللەكتور جانە ميكروقارجى ۇيىمدارىنىڭ بەرەشەگى بار قازاقستاندىقتارعا حابارلاسۋى جانە قوڭىراۋ شالۋى ءتارتىبىن رەتتەۋدى جوسپارلاپ وتىر، دەپ حابارلايدى aqshamnews.kz.
جاڭا ءتارتىپ جوباسى اشىق نقا پورتالىندا حالىقتىڭ جاريا تالقىلاۋىنا ۇسىنىلدى.
جاڭا ەرەجەنىڭ ەرەكشەلىگى اتالعان ۇيىمدار قازاقستاندىقتارعا جۇمىس كۇندەرى تاڭعى ساعات 8.00-دەن كەشكى ساعات 21.00-گە دەيىن تاۋلىگىنە ءۇش رەت جانە دەمالىس پەن مەرەكە كۇندەرى ساعات 9.00-دەن كەشكى ساعات 19.00-گە دەيىن تاۋلىگىنە ەكى رەت حابارلاسا الادى. بۇل رەتتە ستاسيونارلى تەلەفونمەن دە، ينتەرنەت كومەگىمەن مەسسەندجەرلەر ارقىلى حابارلاسۋعا دا رۇقسات ەتىلەدى.
اگەنتتىكتىڭ جاڭا تالاپتاردى ەنگىزۋگە ىڭعايسىز ۋاقىتتا جانە تىم ءجيى شالىنعان قوڭىراۋ قازاقستاندىقتاردىڭ اشۋىن تۋعىزىپ، شاعىمدار كوبەيگەندىگى ىۇپال ەتكەن. ال قازىرگى قولدانىستاعى تالاپتا قوڭىراۋ شالۋ مەرزىمى مەن جيىلىگى رەتتەلمەگەن ەكەن.
"ميكروقارجى ۇيىمدارىنىڭ قارىزى بار قازاقستاندىقتارعا ونى تولەۋ قاجەتتىگىن ەسكەرتىپ دەمالىس نە مەرەكە كۇندەرى دە حابارلاسۋىنا رۇقسات بەرۋ كەرەك دەپ ەسەپتەيمىز. ويتكەنى، كەشىكتىرىلگەن قارىز ءۇشىن ءوسىمپۇل دەمالىس نە مەرەكە كۇنى ەكەنىنە قاراماستان، ءاربىر كەشىكتىرىلگەن كۇن ءۇشىن ەسەپتەلەدى"، – دەلىنگەن اگەنتتىكتىڭ حابارلاماسىندا.