ق ر كولىك مينيسترلىگىنىڭ اقپاراتىنشا، كولىكتى جالعان تەحنيكالىق تەكسەرۋدەن وتكىزۋدىڭ سالدارى اقاۋلارى بار كولىك قۇرالدارىنىڭ جول قوزعالىسىنا جىبەرىلۋىنە مۇمكىندىك بەرىپ، كەيىن بۇل جول-كولىك وقيعالارىنا، ونىڭ ىشىندە سوڭى ولىمگە ۇلاساتىن وقىس وقيعالار دەڭگەيىنىڭ وسۋىنە اكەپ سوعادى.
"قۇقىق بۇزۋشىلىق اكىمشىلىك جازا قولدانىلعاننان كەيىن ءبىر جىلدىڭ ىشىندە قايتالاپ جاسالسا، تەحنيكالىق تەكسەرۋدەن وتكىزەتىن وپەراتور قىزمەت كورسەتۋ قۇقىعىنان 3 جىلعا دەيىنگى مەرزىمگە ايىرىلادى"،- دەپ جازىلعان ق ر كولىك مينيسترلىگىنىڭ حابارلاماسىندا.
سونداي-اق اتالعان زاڭ جوباسى شەڭبەرىندە اۆتوكولىكتى تەحنيكالىق تەكسەرۋدەن وتكىزەتىن وپەراتورلاردىڭ قىزمەتىنە قويىلاتىن تالاپتاردى كۇشەيتۋ كوزدەلگەن.
جوعارىدا اتالعان وزگەرتۋلەر مەن تولىقتىرۋلاردى ەنگىزۋ اۆتوكولىك قۇرالدارىن مىندەتتى تەحنيكالىق بايقاۋدان وتكىزۋ ساپاسىن جاقسارتۋعا جانە جوسىقسىز تەحنيكالىق قاراپ تەكسەرۋ وپەراتورلارىنىڭ سانىن 2 ەسەگە قىسقارتۋعا مۇمكىندىك بەرەدى دەپ كۇتىلۋدە. ايتا كەتەرلىگى، بۇگىنگى تاڭدا نارىقتا 950-قا جۋىق وپەراتور كولىكتى تەحنيكالىق تەكسەرۋدەن وتكىزۋ بويىنشا قىزمەت كورسەتەدى.