شىلدەدە دارىلىك زاتتاردى تاڭبالاۋدىڭ باستالۋىمەن فارماسيەۆتيكالىق پرەپاراتتاردىڭ باعاسى ءوسۋى مۇمكىن، دەپ حابارلايدى اlmaty-akshamy.kz.
تەلەارنا مالىمەتىنشە، قازاقستاندا فارماسيەۆتيكالىق پرەپاراتتاردىڭ قۇنى سوڭعى ءبىر جىلدا 11 پايىزعا وسكەن. الايدا ساراپشىلار الداعى ۋاقىتتا دارىلىك زاتتاردى تاڭبالاۋ باستالعاندا باعا تاعى وسەتىنىن ايتادى.
وڭىرلەر اراسىندا فارماسيەۆتيكالىق ونىمدەر باعاسىنىڭ ءوسىمى بويىنشا ۇلىتاۋ وبلىسى كوش باستاپ تۇر. مۇندا دارى-دارمەك 18،4 پايىزعا قىمباتتاعان. ودان كەيىنگى ورىندا استانا مەن شىمكەنت قالالارى تۇر. ال ەڭ تومەن باعا ماڭعىستاۋ وبلىسىندا تىركەلگەن. وندا دارى-دارمەك قۇنى 5،6 پايىزعا كوتەرىلگەن.
قازاقستان تاۋەلسىز ءدارىحانالار قاۋىمداستىعىنىڭ باسشىسى تالعات وماروۆتىڭ سوزىنشە، قازاقستانداعى دارى-دارمەكتىڭ باعاسى كورشىلەس مەملەكەتتەرمەن سالىستىرعاندا ەداۋىر قىمبات.
ءتىپتى، 400-500 پايىزعا جەتىپ جاتادى. جالپى باعانىڭ وسۋىنە اۋەلى ينفلياسيا اسەر ەتەدى، - دەيدى ول.
ءدارىحانا يەلەرى دابىل قاعۋدا. 1 شىلدەدە دارىلىك زاتتاردى تاڭبالاۋدىڭ باستالۋى فارماسيەۆتيكالىق پرەپاراتتاردىڭ باعاسىنا كەرى اسەر ەتەدى. ويتكەنى تاڭبالاۋ پروسەسىنە كاسىپكەرلەر قاراجاتتى ءوز قالتاسىنان تولەۋگە ءماجبۇر بولادى.
ءدارىحانالاردىڭ ءبىرىنىڭ يەسى ايگەرىم امانبايەۆا «دارىلەردى تاڭبالاۋ كونترافاكتىلى وندىرىستەر مەن زاڭسىز تاۋار اينالىم تاۋەكەلدەرىن جويا المايتىنىن» ايتادى.
«ءبىز كەلىسىمشارتپەن جۇمىس ىستەيمىز. سالىق تولەيمىز. جالعا الۋ اقىسىن، ەڭبەكاقى تولەيمىز. ەندى تاڭبالاۋ ەنگىزەتىن بولساق، بىزگە قوسىمشا قارجى كەرەك بولادى. تاڭبالاۋ كىشىگىرىم بيزنەسكە وتە قيىن»، - دەيدى ول.
دارىلىك زاتتاردى تاڭبالاۋدىڭ ەنگىزىلۋى وتاندىق وندىرۋشىلەرگە دە وڭاي سوقپايىن دەپ تۇر.
تاڭبالاۋعا قاجەت ەڭ ارزان قۇرال-جابدىق 100 مىڭ دوللاردان باستالادى. ودان كەيىن ولارعا 30 مىڭ دوللارعا دەيىن باعدارلاما كەرەك.
«قازاقتەلەكومنىڭ» باعدارلاماسى مەن ءوندىرىستىڭ باعدارلاماسىن جۇيەلەندىرۋ ءۇشىن. جىلىنا 2 ملن رۋبلگە دەيىن وتاندىق وندىرۋشىلەر تاعى تولەيدى»، - دەيدى «قازاقستاننىڭ فارممەديندۋسترياسى» قاۋىمداستىعىنىڭ اتقارۋشى ديرەكتورى گۇلداريا ماناقبايەۆا.
ءدارىحانا يەلەرى مەن وتاندىق وندىرۋشىلەر دارىلىك زاتتاردى تاڭبالاۋ پروسەسىن جەتىلدىرۋ كەرەك ەكەنىن ايتادى. ايتپەسە، ولاردىڭ ايتۋىنشا، دارى-دارمەكتىڭ باعاسى الداعى ۋاقىتتا 2 ەسەگە ءوسۋى مۇمكىن.