2025 جىلعى 24 قاڭتاردا سولتۇستىك قازاقستان وبلىسىنىڭ پروكۋراتۋراسى كولىكتى 5 مينۋتتان ارتىق قىزدىرعانى ءۇشىن سالىنعان اكىمشىلىك ايىپپۇلدى جويدى، دەپ حابارلايدى aqshamnews.kz Zakon.kz. سىلتەمە جاساپ.
سقو پروكۋراتۋراسىنىڭ مالىمەتىنشە، اكىمشىلىك قۇقىق بۇزۋشىلىقتار تۋرالى ق ر كودەكسىنىڭ تالاپتارىن ورەسكەل بۇزۋ فاكتىلەرى انىقتالعان.
«پەتروپاۆل قالالىق پوليسيا باسقارماسىنىڭ قىزمەتكەرى قالا تۇرعىنىنا كولىك تۇراعىندا كولىكتى 5 مينۋتتان ارتىق قىزدىرۋعا بايلانىستى اكىمشىلىك قۇقىق بۇزۋشىلىق تۋرالى حاتتاما تولتىرعان. الايدا حاتتاما تولتىرۋ بارىسىندا پروسەسسۋالدىق بۇزۋشىلىقتارعا جول بەرىلىپ، قۇقىق بۇزۋشىنىڭ كىناسىن دالەلدەيتىن ايعاقتار جينالماعان»، – دەلىنگەن حابارلامادا.
پەتروپاۆل پروكۋرورىنىڭ نارازىلىعى نەگىزىندە پوليسيا ورگاندارىنىڭ ارەكەتى زاڭسىز دەپ تانىلىپ، اكىمشىلىك قۇقىق بۇزۋشىلىق تۋرالى ءىس قۇقىق بۇزۋشىلىق قۇرامىنىڭ بولماۋىنا بايلانىستى توقتاتىلدى.