سينوپتيكتەردىڭ بولجامى بويىنشا، 25 قاڭتاردا تۇندە جانە تاڭەرتەڭ جەتىسۋ وبلىسىنىڭ شىعىسىندا، تاۋلى اۋداندارىندا تۇمان بولادى.
وبلىستىڭ شىعىسىندا سولتۇستىك-شىعىستان جەل سوعادى، ەكپىنى 15-20 م/س، كەي ۋاقىتتاردا 23-28 م/س دەيىن جەتەدى. تۇندە 25-28 گرادۋس قاتتى اياز بولادى. تالدىقورعاندا تۇندە 26-28 گرادۋس قاتتى اياز بولادى، دەپ حابارلايدى aqshamnews.kz.
الماتىدا 24-26 قاڭتار ارالىعىندا بۇتاق وزەنى – بۇتاق اۋىلى گيدرولوگيالىق بەكەتىندە مۇزدىق قۇبىلىستارعا بايلانىستى سۋ دەڭگەيىنىڭ كۇرت كوتەرىلۋى بايقالادى. بۇتاق وزەنى – بۇتاق اۋىلى گب سۋ دەڭگەيى 280 سم بولدى. سۋ دەڭگەيى ودان ءارى كوتەرىلۋى مۇمكىن. ءقاۋىپتى سۋ دەڭگەيى - 287 سم.
تۇركىستان وبلىسىنىڭ سولتۇستىگىندە، تاۋلى اۋداندارىندا جاياۋ بۇرقاسىن جۇرەدى. وبلىستىڭ باتىسىندا، وڭتۇستىگىندە، تاۋلى جانە تاۋ بوكتەرلى اۋداندارىندا تۇمان بولادى. وبلىستىڭ سولتۇستىگىندە، تاۋلى اۋداندارىندا شىعىستان جەل سوعادى، ەكپىنى - 15-20 م/س.
تۇندە اتىراۋ وبلىسىنىڭ باتىسىندا تۇمان تۇسەدى.
تۇندە جانە تاڭەرتەڭ الماتى وبلىسىنىڭ باتىسىندا، وڭتۇستىگىندە كەي ۋاقىتتا تۇمان تۇسەدى. وبلىستىڭ سولتۇستىگىندە، شىعىسىندا شىعىستان، وڭتۇستىك-شىعىستان جەل سوعادى، ەكپىنى - 18-23 م/س. تۇندە وبلىستىڭ سولتۇستىگىندە، تاۋلى اۋداندارىندا 23-28 گرادۋس قاتتى اياز بولادى. الماتىدا تۇندە جانە تاڭەرتەڭ تۇمان بولادى. قونايەۆتا وڭتۇستىك-شىعىستان جەل سوعادى، ەكپىنى - 18-23 م/س.
اقمولا وبلىسىنىڭ سولتۇستىگىندە، شىعىسىندا وڭتۇستىكتەن، وڭتۇستىك-باتىستان جەل سوعادى، ەكپىنى 15-20 م/س.
25 قاڭتاردا تاۋلىك بويى مۇعالجار اۋدانىندا جاياۋ بۇرقاسىن جۇرەدى. وڭتۇستىك-شىعىستان سوققان جەلدىڭ ەكپىنى 15-20 م/س، كەي ۋاقىتتاردا 23 م/س دەيىن جەتەدى.
جامبىل وبلىسىنىڭ سولتۇستىگىندە، وڭتۇستىگىندە، تاۋلى اۋداندارىندا تۇمان تۇسەدى. وبلىستىڭ وڭتۇستىك-باتىسىندا، سولتۇستىك-شىعىسىندا تاۋلى اۋداندارىندا سولتۇستىك-شىعىستان سولتۇستىك-باتىسقا ويىسا سوققان جەلدىڭ ەكپىنى 15-20 م/س، تاۋلىك بويى 25 م/س، تۇندە 26 قاڭتاردا 23-28 م/س بولادى دەپ بولجانادى.
تارازدا 25-27 قاڭتاردا كەي ۋاقىتتاردا تۇمان بولادى.
سولتۇستىك قازاقستان وبلىسىندا وڭتۇستىك-باتىستان جەل سوعادى، تۇندە ەكپىنى 15-20 م/س بولادى. كۇندىز وبلىستىڭ سولتۇستىگىندە سوققان جەلدىڭ ەكپىنى 15-20 م/س بولادى. پەتروپاۆلدا دا وڭتۇستىك-باتىستان جەل سوعادى، ەكپىنى - 15-20 م/س.
قوستاناي وبلىسىنىڭ وڭتۇستىگىندە تۇمان تۇسەدى. وڭتۇستىكتەن سوققان جەلدىڭ وبلىستىڭ سولتۇستىگىندەگى ەكپىنى - 15-20 م/س.
اباي وبلىسىنىڭ شىعىسىندا، وڭتۇستىگىندە تۇمان بولادى. وبلىستىڭ سولتۇستىگىندە، ورتالىعىندا وڭتۇستىك-شىعىستان جەل سوعادى، ەكپىنى - 15-20 م/س.
شىعىس قازاقستان وبلىسىنىڭ سولتۇستىگىندە، شىعىسىندا تۇمان تۇسەدى. كۇندىز وبلىستىڭ وڭتۇستىك-شىعىسىندا شىعىستان، وڭتۇستىك-شىعىستان جەل سوعادى، ەكپىنى - 15-20 م/س. تۇندە وبلىستىڭ سولتۇستىگىندە، شىعىسىندا 40 گرادۋس قاتتى اياز بولادى.
ماڭعىستاۋ وبلىسىنىڭ باتىسىندا، وڭتۇستىگىندە كوكتايعاق بولادى. وبلىستىڭ باتىسىندا، سولتۇستىگىندە تۇمان تۇسەدى. وبلىستىڭ شىعىسىندا، ورتالىعىندا وڭتۇستىك-شىعىستان سوققان جەلدىڭ ەكپىنى 15-20 م/س بولادى.
اقتاۋدا تۇندە جانە تاڭەرتەڭ تۇمان بولادى.
قىزىلوردا وبلىسىنىڭ ورتالىعىندا، شىعىسىندا شىعىستان سوققان جەلدىڭ ەكپىنى 15-20 م/س بولادى.
ۇلىتاۋ وبلىسىنىڭ باتىسىندا، سولتۇستىگىندە، وڭتۇستىگىندە شىعىستان، وڭتۇستىك-شىعىستان جەل سوعادى، ەكپىنى - 15-20 م/س.
اۋا رايىنىڭ بۇزىلۋىنا بايلانىستى جەتىسۋ وبلىسىندا جول جابىلعانىن جازعان بولاتىنبىز.