الماتى قالاسىندا "Vehicles Almaty" ج ش س، "استانا موتورس " موتور كومپانياسى" ج ش س جانە "Youngsan Kazakhstan" ج ش س بىرلەسكەن اۆتوموبيل ورىندىقتارىن شىعاراتىن زاۋىت قۇرىلىسى جۇرگىزىلۋدە، دەپ حابارلايدى almaty-akshamy.kz
جوباعا سالىنعان جالپى ينۆەستيسيا كولەمى 3 ميلليارد تەڭگەنى قۇرايدى. كاسىپورىن قازاقستاننىڭ اۆتوموبيل شىعاراتىن زاۋىتتارىن وندىرىستىك قۋاتى جىلىنا 100 مىڭ جيىنتىق بولاتىن ساپالى ورىندىقتارمەن قامتاماسىز ەتۋدى جوسپارلاپ وتىر.
قازىرگى ۋاقىتتا جەر ۋچاسكەسىن دايىنداۋ، شۇڭقىر قازۋ جانە مەتالل كونسترۋكسيالارىن ورناتۋ سياقتى قۇرىلىستىڭ نەگىزگى كەزەڭدەرى اياقتالدى. سەندۆيچ پانەلدەرىن ورناتۋ جالعاسۋدا. جابدىقتاردىڭ ءتىزىمى كەلىسىلىپ، جونەلتۋگە دايىندالۋدا. 2024 جىلعى 20 ناۋرىزداعى جاعداي بويىنشا ەلەكترونيكانى قۇراستىرۋعا جانە تەكسەرۋگە ارنالعان تەحنولوگيالىق جابدىقتىڭ ءبىر بولىگى الىندى.
جوبا 2024 جىلدىڭ ءتورتىنشى توقسانىندا اياقتالادى دەپ كۇتىلۋدە، ول 27 جاڭا جۇمىس ورنىن اشادى جانە ەلدىڭ اۆتوموبيل ونەركاسىبىنىڭ دامۋىنا ەلەۋلى ۇلەس قوسادى.