ق ر ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا الماتى قالاسىنا جۇمىس ساپارى اياسىندا مەگاپوليس حالقىمەن كەزدەسۋ وتكىزدى، ونىڭ بارىسىندا مەملەكەت باسشىسىنىڭ الەۋمەتتىك-ەڭبەك سالاسىنداعى تاپسىرمالارىن ىسكە اسىرۋ مەن قازاقستاندىقتاردى الەۋمەتتىك قولداۋ شارالارىن كۇشەيتۋ تۋرالى حابارلادى.
ءىس-شاراعا ق ر ەحاقم ەڭبەك جانە الەۋمەتتىك قورعاۋ كوميتەتىنىڭ ءتوراعاسى تولەگەن وسپانقۇلوۆ، ق ر ەحاقم كوشى-قون كوميتەتىنىڭ ءتوراعاسى اسقاربەك ەرتايەۆ، قالالىق باسقارما مەن اۋداندىق جۇمىسپەن قامتۋ جانە الەۋمەتتىك باعدارلامالار بولىمدەرىنىڭ، مەديسينالىق-الەۋمەتتىك مەكەمەلەردىڭ باسشىلارى، ۇەۇ وكىلدەرى، مۇگەدەكتىگى بار ادامدار، كوپبالالى انالار جانە تاعى باسقا ازاماتتار قاتىستى. جالپى كەزدەسۋگە 80 ادام قاتىستى.
ءسوز باسىندا ەڭبەكمينىنىڭ باسشىسى 2023 جىلى مەملەكەتتىڭ بارلىق الەۋمەتتىك مىندەتتەمەلەرى ۋاقتىلى جانە تولىق كولەمدە ورىندالعانىن حابارلادى.
مەملەكەت باسشىسىنىڭ تاپسىرماسى بويىنشا 2023 جىلى: ەڭ تومەن بازالىق زەينەتاقىنىڭ مولشەرى ەڭ تومەن كۇنكورىس دەڭگەيىنىڭ 54 %-دان 60 %-عا دەيىن، ال 2024 جىلى – 65%-عا دەيىن، ەڭ جوعارى مولشەرى 100%-دان 105%-عا دەيىن ۇلعايتىلدى؛ ىنتىماقتى زەينەتاقىنى ەسەپتەۋ ءۇشىن قابىلداناتىن ەڭ جوعارى تابىستىڭ شاماسى 46 %-دان 55 ايلىق ەسەپتىك كورسەتكىشكە دەيىن ارتتى. الماتى قالاسى بويىنشا زەينەتاقىنىڭ جيىنتىق ورتاشا مولشەرى 184 مىڭ تەڭگەنى قۇراپ وتىر.
جالپى رەسپۋبليكا بويىنشا زەينەتاقى تولەمدەرىنە 2023 جىلى 3 ترلن 300 ملرد تەڭگە، 2024 جىلى – 3 ترلن 785 ملرد تەڭگە باعىتتالدى.
مينيستر سونداي-اق حالىقتى الەۋمەتتىك قولداۋدى كۇشەيتۋ تۋرالى ايتتى. بالالى وتباسىلارعا ەرەكشە نازار اۋدارىلادى. جاڭا شارالار بالا تۋۋدى ىنتالاندىرۋعا جانە وتباسىنداعى بالالاردى تاربيەلەۋگە جاردەمدەسۋگە، سونداي-اق كوپبالالى انالاردىڭ بەدەلى مەن مارتەبەسىن ارتتىرۋعا باعىتتالعان.
2023 جىلى: مەملەكەتتىك جاردەماقىلاردىڭ مولشەرى 8،5 %-عا يندەكستەلدى، ال الەۋمەتتىك كودەكستىڭ قابىلدانۋىمەن كەيبىر جاردەماقىلاردىڭ مولشەرى قوسىمشا 14،5 %-عا ءوستى؛ مەملەكەت باسشىسىنىڭ تاپسىرماسىن ورىنداۋ ءۇشىن 2023 جىلعى 1 قاڭتاردان باستاپ مەملەكەتتىك الەۋمەتتىك ساقتاندىرۋ قورىنان بالا كۇتىمىنە بايلانىستى جاردەماقى مەن الەۋمەتتىك تولەمدەردى تولەۋ كەزەڭى ءبىر جاستان ءبىر جارىم جاسقا دەيىن ۇزارتىلدى؛ الەۋمەتتىك كودەكستىڭ قابىلدانۋىمەن «التىن القا» القاسىمەن، I جانە II دارەجەلى «انا داڭقى» وردەندەرىمەن ناگرادتالعان، «باتىر انا» اتاعىن العان انالارعا جاردەماقى مولشەرى 7،4 اەك-كە دەيىن ارتتىرىلدى.
بالالارى بار وتباسىلاردى قولداۋعا 2023 جىلى شامامەن 1،3 ترلن تەڭگە، 2024 جىلى 1،5 ترلن تەڭگە بولىنگەن.
وسى جىلدىڭ 1 ناۋرىزىنا الماتى قالاسىندا 5 مىڭنان استام ادام جۇكتىلىككە جانە بوسانۋعا، جاڭا تۋعان بالانى (بالالاردى) اسىراپ الۋعا بايلانىستى تابىسىنان ايىرىلۋ جاعدايى بويىنشا 6،1 ملرد تەڭگە سوماسىندا الەۋمەتتىك تولەم الدى. بالا تۋۋعا ارنالعان ءبىرجولعى جاردەماقى رەسپۋبليكالىق بيۋدجەت قاراجاتىنان شامامەن 1،1 ملرد تەڭگە سوماسىنا 7 مىڭعا جۋىق ادامعا بەرىلدى. جۇمىس ىستەمەيتىن ايەلدەر ءۇشىن ءبىر جارىم جاسقا دەيىنگى بالا كۇتىمى بويىنشا جاردەماقىنى رەسپۋبليكالىق بيۋدجەت قاراجاتىنان 500 ملن تەڭگەگە 9 مىڭنان استام ادام الدى. جۇمىس ىستەيتىن اتا-انالار ءۇشىن ءبىر جارىم جاسقا دەيىنگى بالا كۇتىمىنە بايلانىستى تابىسىنان ايىرىلۋ جاعدايى بويىنشا 6،8 ملرد تەڭگە سوماسىنا 46 مىڭعا جۋىق ادام الەۋمەتتىك تولەم الدى. مۇگەدەكتىگى بار بالانى كامەلەتكە تولعانعا دەيىن تاربيەلەپ وتىرعان اناسىنا نەمەسە اكەسىنە، بالا اسىراپ الۋشىعا، قورعانشىعا (قامقورشىعا) تاعايىندالاتىن جانە تولەنەتىن جاردەماقىنى 1،3 ملرد تەڭگەدەن استام سوماعا 9 مىڭعا جۋىق ادام الدى.