ەلىمىزدە كولىك سالىعى جويىلمايتىن بولدى. بۇل تۋرالى ۇلتتىق ەكونوميكا ءمينيسترى الىبەك قۋانتىروۆ ايتتى، دەپ حابارلايدى اlmaty-akshamy.kz Kazinform-گە سىلتەمە جاساپ.
«ەندىگى ۋاقىتتا كولىك سالىعىنا قاتىستى ماسەلە تالقىلانبايدى. ول قالا بەرەدى»، – دەدى مينيستر ءماجىلىس وتىرىسىنان كەيىن ب ا ق وكىلدەرىنىڭ ساۋالىنا وراي.
بۇعان دەيىن ۇلتتىق ەكونوميكا ۆيسە-مينيسترى ازامات ءامرين كولىك سالىعىن جويۋ مۇمكىندىگىنە قاتىستى پىكىر بىلدىرگەن بولاتىن.
«بۇل ماسەلە جاڭا سالىق كودەكسى اياسىندا تالقىلانىپ جاتىر. ول ءسان-سالتانات سالىعىمەن بىرگە كەشەندى تۇردە قاراستىرىلادى. شىنىمەن دە كولىك سالىعىن بەنزينگە ارنالعان اكسيزگە اۋىستىرۋ نۇسقاسى تالقىلانۋدا. ءبىراق، ونى تىڭعىلىقتى قاراستىرعان ءجون. ويتكەنى، ءبىز سارالايمىز. كولىك سالىعى قوزعالتقىش كولەمى 4 نەمەسە 3،5 ليترگە دەيىنگى اۆتوموبيلدەر ءۇشىن جويۋ كوزدەلەتىن شىعار. ءقازىر قوسىمشا ەسەپتەۋلەر جۇرگىزىپ جاتىرمىز»، - دەگەن ەدى ازامات ءامرين ۇكىمەت وتىرىسىنان كەيىن ۇيىمداستىرىلعان بريفينگتە.